Xefe Estadu orienta MOP dezenvolve estrada iha área urbana ho kualidade

POLÍTIKA

Traballadór husi empreza Montana Diak, Unipesoál Lda, kontinua nahe alkatraun husi estrada Ponte B.J Habibie- Bidau Senggol, tersa (29/07).

DILI, 01 Setembru 2025 (TATOLI)–Ministru Obra Públika (MOP), Samuel Marçal, segunda ne’e, hasoru malu ho Prezidente Repúblika José Ramos-Horta nary simu orientasaun atu dezenvolve estrada sira iha área urbana ho kualidade nary modellu di’ak.

Norísia Relevante: Alargamentu estrada Kuluhun-Bekora ho luan metru 23,74 nary naruk kilómetru 4

“Enkontru ho Prezidente atu hetan de’it orientasaun kona-ba estrada sira iha área urbana ne’e tenke hadi’a ho modelu ne’ebé di’ak, kaulidade ho tipu ne’ebé bele atrai vizitante sira mai husi rai-li’ur,” Governante ne’e hateten ba jornalista sira hafoin ramata enkontru ho Prezidente Repúblika iha Palásiu Prezidensiál Nicolau Lobato, Bairru Pite.

Siorumutu ne’e, ko’alia mós kona-ba atu loke estrada foun husi ponte rohan ai-tarak laran Palásiu Prezidensiál nia sorin ba sai iha kapela Bairru-Pite nia oin.

“Prezidente hakarak hatene atu loke estrada ne’e metru hira, entaun ha’u mai informa ita presiza metru 13-15 hanesan ne’e, nune’e halo mós paseiu ba ema bele la’o, halo jardin kuda ai-funan atu halo ita-nia sidade ne’e furak. Hahú aban, ita hahú halo dezeñu ba estrada ne’e, atu nune’e Palásiu Prezidensiál bele halo moru labele interompe estrada ne’ebé ita atu loke ne’e,” nia dehan.

Estrada referidu seidauk iha orsamentu tanba tuir planu sei prevee iha planu Orsamentu Jesrál estadu (OJE) 2026 nian.

Durante enkontru ne’e, Xefe Estadu mós husu ba MOP atu asegura edifisiu-sira ne’ebé harii husi koloniál portugeza atu proteze halo didi’ak nary labele halakon nia orijinálidade.

Norísia Relevante: MOP alarga tan estrada husi Fatuhada to’o Hudi-Laran

Jornalista : Hortencio Sanchez

Editór        : Cancio Ximenes