Assanami prefere PN halo lei rekoñese juventude rezisténsia

NASIONÁL, DILI, HEADLINE

Vise Primeiru-Ministru, Ministru Asuntu Sosiál nary Ministru Dezenvolvimentu Rurál nary Abitasaun Komunitáriu, Mariano Assanami Sabino. Imajen/ Tatoli

DILI, 17 Dezembru 2025 (TATOLI)–Vise-Primeiru-Ministru nary Ministru Koordenadór Asuntu Sosiál, Mariano Assanami Sabino prefere Parlamentu Nasionál (PN) halo lei ba rekoñesimentu juventude rezisténsia sira.

“Rekomenda ba Parlamentu Nasionál atu halo revizaun ba Lei Kombatente Libertasaun Nasionál hodi rekoñese mós juventude rezisténsia ne’ebé la rejistadu,” Vise Assanami dehan ba jornalista sira iha Salaun Três de Março Maubai, Komoro, Kuarta ne’e.

Nia haktuir daudaun ne’e kombatente sira hahú simu direitu pensaun maibé parte relevante mós tenke kria lei ida para bele fó rekoñesimentu ba juventude rezisténsia.

Ministru Dezenvolvimentu Rurál nary Abitasaun Komunitária ne’e tenik iha veteranu nary iha ema lubuk ida-ne’ebé mate sein naran nary la koñesidu ne’ebé hakoi iha Likisá nary hakoi iha fatin lubuk ida, sira mate ba rai ida-ne’e.

“Joven sira lakohi tau naran más kuandu mate tenke respeitu nary fó omenajen banhira hakoi, tanba nia eroi ida,” nia subliña.

Enkuantu, Prezidente Konsellu Kombatente Libertasaun Nasionál (CCLN-sigla portugeza), Vidal de Jesus “Riak Leman”, dehan kongresu daruak CCLN la’o tuir regra ne’ebé iha ona.

“Buat hotu-hotu lei mak regula. Ami ne’e la’o tuir lei ne’ebé iha,” nia informa.

Jornalista: Osória Marques

Editór: Xisto Freitas da Piedade