Antes ba Indonézia, Embaixadór Octo Dorinus hato’o Boas Festa Natál ba Ramos-Horta

INTERNASIONÁL, POLÍTIKA

Embaixadór Indonézia iha Timor-Leste, Okto Dorinus, hasoru malu ho Prezidente Repúblika, José Ramos-Horta, iha Palásiu Prezidensiál Nicolau Lobato, Bairru Pite, kuarta (17 Dezembru 2025). Imajen/Mídia PR.

DILI, 17 Dezembru 2025 (TATOLI)—Embaixadór Indonézia iha Timor-Leste, Okto Dorinus, kuarta ne’e, hasoru malu nary hato’o Boas Festa Santu Natál (25 Dezembru 2025) nary Tinan Foun Kmanek (01 Janeiru 2026) ba Prezidente Repúblika, José Ramos-Horta, iha Palásiu Prezidensiál Nicolau Lobato, Bairru Pite, Dili.

“Enkontru ohin ne’e atu hato’o de’it Boas Festas Natál ba Prezidente Ramos-Horta, tanba ohin ha’u aranka ba Jakarta ba ferias, nary klaru nu’udar maun ida, ha’u tenke hato’o Boas Festas Natál ba Prezidente Ramos-Horta,” Embaixadór Indonézia iha Timor-Leste, Okto Dorinus, hateten ba jornalista sira hafoin ahsoru malu ho Xefe Governu.

Embaixadór ne’e mós hato’o ninia esperansa katak relasaun bilaterál entre nasaun rua ne’e sei hametin liután iha futuru, tanba oras ne’e Timor-Leste sai ona membru ba Asosiasaun Nasaun Sudeste Aziátiku (ASEAN).

“Ba oin, ami sei hametin liután ami-nia relasaun, hafoin Timor-Leste sai membru plenu ASEAN nian iha fulan rua liubá. Hamutuk ita Proteje,” nia dehan.

Nia hatutan, Embaixada Indonézia hato’o Boas Festas Natál nary Tinan Foun 2026, nary bele lori ksolok nary dame ba ema hotu iha Timor-Leste.

“Klaru, ami halo mós selebrasaun Natál oioin liuliu ba sidadaun indonéziu sira iha Dili. Karik ami halo selebrasaun Natál nian to’o fulan-Janeiru, ho komunidade balun sei halo nafatin selebrasaun Natál nian,” nia hateten.

Nia subliña, iha Dili, igreja Indonézia balun sei selebra Natál, ho igreja hotu-hotu halibur malu, komunidade kristaun tomak halibur hamutuk nary maluk sira-ne’ebé la’ós sarani mós sei hetan konvite atu hamutuk iha selebrasaun sira.

“Maibé, ha’u kontente tanba bele hasoru ita-boot sira iha vizita vizitante tinan ne’e nia rohan, nary jornalista sira hotu saudavel nary Boas Festas Natal ba ita hotu,” nia dehan.

Tuir nia, Xefe Estadu Ramos-Horta mós hato’o Boas Festa Natal ba funsionáriu sira hotu iha Embaixada Indonézia iha Timor-Leste nary família sira.

Jornalista : Hortencio Sanchez

Editór        : Cancio Ximenes