Xanana husu Juís estajiadu 12 hala’o dever importante liu duke direitu

JUSTISA, POLÍTIKA

𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 hasai retratu hamutuk ho 𝐉𝐮𝐢𝐳 𝐄𝐬𝐭𝐚jiadu sira hafoin 𝐬𝐞𝐫𝐢𝐦𝐨́𝐧𝐢𝐚 𝐭𝐨𝐦𝐚𝐝𝐚 𝐝𝐞 𝐩𝐨𝐬𝐬𝐞 𝐢𝐡𝐚 𝐓𝐫𝐢𝐛𝐮𝐧𝐚𝐥 𝐉𝐮𝐝𝐢siál 𝐏𝐫𝐢𝐦𝐞𝐢𝐫𝐚 𝐈𝐧𝐬𝐭ánsia 𝐃𝐢𝐥𝐢 𝐢𝐡𝐚 Kaikoli, sábadu (13 Setembru 2025). Imajen TATOLI/António Daciparu.

DILI, 13 Setembru 2025 (TATOLI)–Primeiru-Ministru, Kay Rala Xanana Gusmão, husu ba Juís estajiadu na’in-12 atu hala’o dever importante liu duké direitu hodi garante justisa ba ema hotu iha porsesu konstrusaun Estadu.

“Tenke tau iha imi-nia pensamentu, hala’o imi-nia dever importante liu imi-nia direitu atu garante justisa ba ema hotu iha prosesu konstrusaun Estadu ida ne’e,” Xanana hateten bainhira partisipa iha serimónia toma airs ba Juíz estajiadu na’in-12 ne’ebé termina ona formasaun, iha edifisiu Tribunál Judisiál Primeira Instansia Dili, sábadu ne’e.

Servisu ne’ebé Juiz sira atu hala’o ba oin, Xanana dehan, mak responsabilidade atu hetan konfiansa husi públiku nary labele hanoin de’it atu hetan osan.

𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 partisipa iha 𝐬𝐞𝐫𝐢𝐦𝐨́𝐧𝐢𝐚 𝐭𝐨𝐦𝐚𝐝𝐚 𝐝𝐞 𝐩𝐨𝐬𝐬𝐞 Juiz estajiadu sira 𝐢𝐡𝐚 𝐓𝐫𝐢𝐛𝐮𝐧𝐚𝐥 𝐉𝐮𝐝𝐢𝐜𝐢𝐚𝐥 𝐝𝐞 𝐏𝐫𝐢𝐦𝐞𝐢𝐫𝐚 𝐈𝐧𝐬𝐭𝐚𝐧𝐜𝐢𝐚 𝐝𝐞 𝐃𝐢𝐥𝐢 𝐢𝐡𝐚 𝐂𝐚𝐢𝐜𝐨𝐥𝐢, 𝐃𝐢𝐥𝐢. Foto TATOLI/ANTONIO DACIPARU.

“Ita-boot sira tenke hatudu servisu ida di’ak hodi manán konfiansa públiku nian. Imi-nia servisu hanesan misaun ida ne’ebé importante, labele hanoin de’it atu manán osan, osan ne’e ikus. Hatudu imi-nia dever hodi servi nary garante justisa ba ema hotu, ida ne’e mak importante,” Xanana dehan.

Iha biban ne’e, Juíz Alfonsius Costa Akoyt hato’o agradesementu ba parte hotu ne’ebé fó ona konfiansa nu’udar Juíz estajiadu nary prosesu ne’ebé liu la’ós buat ne’ebé fasil.

“Agradese ba parte hotu tanba bele fó ona konfiansa mai ami hanesan Juíz estajiadu, ida-ne’e la’ós prosesu ida fasíl. Ami kuaze tinan haat (4), tuir formasaun iha Timor-Leste, depois submete ba avaliasaun ida iha Portugál ami tuir tan formasaun prátíka fulan-neen (6) iha Tribunál Portugés nian konsege liu ona mak ohin ami hetan ona airs hanesan Juíz estajiadu,” Alfonsius hateten.

Nia afirma, prosesu airs ne’e atu hafoun de’it sira-nia kompromisu hodi servi povu nary sai Juíz ba ema hotu iha Timor-Leste.

Juíz Alfonsius hatutan, Juíz na’in-12 ne’ebé simu airs iha konviksaun dever boot-liu duké direitu.

𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 hasai restratu hamutuk ho 𝐉𝐮𝐢𝐳 𝐄𝐬𝐭𝐚jiadu sira 𝐢𝐡𝐚 𝐬𝐞𝐫𝐢𝐦𝐨́𝐧𝐢𝐚 𝐭𝐨𝐦𝐚𝐝𝐚 𝐝𝐞 𝐩𝐨𝐬𝐬𝐞 𝐢𝐡𝐚 𝐓𝐫𝐢𝐛𝐮𝐧𝐚𝐥 𝐉𝐮𝐝𝐢s𝐢á𝐥 𝐏𝐫𝐢𝐦𝐞𝐢𝐫𝐚 𝐈𝐧𝐬𝐭ánsia 𝐃𝐢𝐥𝐢, 𝐢𝐡𝐚 Kaikoli, sábadu (13 Setembru 2925). Imajen Tatoli/António Daciparu.

“Ami na’in-12 ne’ebé ohin simu pose, ami hotu iha konviksaun katak sai Juíz iha dever boot-liu duké direitu. Ita-nia direitu uitoan de’it, ita nia dever mak barak liu. Ita iha liu responsabilidade barak liu, tanba ne’e kestaun sira oportunidade ita-labele ko’alia iha kareira Juíz. Ppelumenus, vokasaun mak primeiru nary servisu ho patriotizmu ba ita-nia nasaun, ita tenke husik buat hotu,” nia dehan.

Kona-ba servisu ne’ebé atu hala’o ba oin mak tuir de’it buat ne’ebé hakerek ona iha Konstituisaun Repúblika Demokrátiku Timor-Leste (KRDT) bazeia ba lei sira nary refleta ba realidade sosiál timoroan nian.

“Ita-nia sosiedade dezenvolvidu hela, ha’u hanoin kestaun justu ho kestaun justisa ita mós presiza haree husi aspeitu oioin, maibé jerál ba sosiedade hotu hanoin tenke haree uluk lejislasaun ne’ebé vigor. Depois, ita tenke komprende mós ita-nia ordenamentu territoriu jurídiku nary ita-tenke specify didi’ak saida mak sosiedade Timor komprende kona-ba justisa,” nia hateten.

Prosesu tuir-mai ba Juíz estajiadu hirak ne’e, sei hein desizaun husi Konsellu Superiór Majistratura Judisiál, atu nune’e bele koloka ba Tribunál sira iha Timor-Leste.

Jornalista : Hortencio Sanchez

Editór        : Cancio Ximenes