Xanana-Horta hahú diskute preparasaun tinan 50 Proklamasaun Independénsia

HEADLINE, POLÍTIKA

Prezidente Repúblika, José Ramos-Horta nary Primeiru-Ministru, Kay Rala Xanana Gusmão dada-lia iha sala Prezidénsia Repúblika hafoin reuniaun semanál, iha Palásiu Prezidensiál, Bairru Pité, Kinta (12/06/2025). Imajen/Gabinete PR

DILI, 29 Agostu 2025 (TATOLI)–Primeiru-Ministru (PM), Kay Rala Xanana Gusmão hateten diskute ona ho Prezidente Repúblika José Ramos-Horta kona-ba preparasaun ba selebrasaun tinan 50 Proklamasaun Independénsia ne’ebé sei realiza 28 fulan-Novembru mai ne’e.

Notísia Relevante: Loron 28 novembru marka povu TL deklara nia independénsia

“Prezidente lembra hela, 28 Novembru, agora halo oinsá ne’ebé ami ko’alia. Ha’u dehan Konsellu Ministru sei haree ida-ne’e, tanba 28 Novembru ne’e tinan 50 ita tenke halo selebrasaun ida importante,” Xanana hateten ba jornalista sira.

Xefe Governu ne’e dehan, selebrasaun ba loron nasionál hirak ne’ebé la monu iha tinan 25 nary 50 selebra baibain, maibé monu iha tinan 25, 50, 55 nary 100 tenke selebra ho espesiál.

“Tinan ida 25 ba-to’o 50 ne’e, tinan ida-ne’ebé ita tenke selebra ho di’ak, id- ne’e mak Prezidente husu ha’u tenke haree ho didi’ak,” nia dehan.

Jornalista : Hortencio Sanchez

Editór       : Cancio Ximenes