Xanana atualiza rezultadu diskusaun Fronteira Marítima ho Indonézia ba Horta

INTERNASIONÁL

Primeiru-Ministru, Kay Rala Xanana Gusmão. Imajen TATOLI/ Francisco Sony

DILI, 29 Agostu 2025 (TATOLI)—Primeiru-Ministru (PM), Kay Rala Xanana Gusmão, sesta ne’e, hasoru-malu ho Prezidente Repúblika José Ramos-Horta hodi ko’alia nary atualiza rezultadu enkontru entre Timor-Leste ho Indonézia kona-ba negosiasaun Fronteira Marítika Timor-Leste ho Indonézia.

“Ha’u informa ba Prezidente katak, ita hasoru-malu ona ho delegasaun husi Indonézia ba enkontru formál ona kona-ba Fronteira Marítima nia rezultadu, ita labele temi kedan ona maibé sira mai ho vontade atu loke-an ba diskusaun ne’ebé di’ak,” Xanana hateten ba jornalista sira hafoin remata enkotru ho Xefe Estadu, iha Palásiu Prezidensiál Nicolau Lobato, Bairru Pite.

Nia dehan, tinan ne’e sei iha tan reuniaun ida nary tinan oin sei akontese reuniaun haat (4) atu ko’alia kona-ba negosiasaun Fronteira Marítima entre nasaun rua nian hodi halo loos kedan.

Antes ne’e, ekipa husi Timor-Leste nary delegasaun husi Indonézia bainhira halo diskusaun formál durante loron-rua, hatudu ona kompromisu atu rezolve fronteira marrítima tuir lei internasionál.

Reuniaun negosiasaun ne’e foin hahú tanba negosiasaun ba fronteira marítima sira nu’udar prosesu ida-ne’ebé kompleksu, maibé iha kompromisu husi parte rua atu koko nary rezolve prosesu negosiasaun ho dame nary maneira pasífika tuir lei internasionál UNCLOS, Konvensaun Nasaun Unida kona-ba Direitu Tasi nian.

Negosiasaun ne’e seidauk bele deside buat ruma tanba foin hahú maibé reuniaun ne’e loke dalan nary hatudu kompromisu husi nasaun rua ne’e.

Enkontru durante loron-rua ne’e halo diskusaun iha ámbitu kooperasaun nary espíritu amizade, entaun iha haree prosesu oinsá atu la’o ba oin. Tanba reuniaun agora Timor-Leste mak halo tuir mai Indonézia mak sei realiza antes tinan ne’e ramata.

Atu hahú negosiasaun ne’e rezolusaun apuramentu ba Timor-Leste nia fronteira marítima, tanba ne’e kestaun soberania nary direitu soberania.

Entretantu, negosiasaun ho Austrália diferente ho Indonézia tanba prosesu ho Austrália la’o iha prosesu konsiliasaun obrigatóriu nary ida-ne’e halo ho asisténsia husi konsiliasaun ida, maibé ho la’o ho diskusaun billateral.

Jornalista : Hortencio Sanchez

Editór        : Cancio Ximenes