Veteranu nia oan hamutuk 300 konkorre ba bolsa estudu tinan 2025

EDUKASAUN, HEADLINE, MUNISÍPIU, VIKEKE

Sekretáriu Ezekutivu CCLN munisípiu Vikeke, Daniel Sarmento 'Fogeti'. Imajen TATOLI/Vitorino Lopes da Costa

VIKEKE, 30 Agostu 2025 (TATOLI)—Konsellu Kombatente Libertasaun Nasionál (CCLN, sigla portugés) munisípiu Vikeke rejista ona veteranu nary martir sira-nia oan hamutuk  na’in-300 konkorre ba vaga bolsa estudu ba tinan 2025.

“Kona-ba bolsa estudu ne’ebé Governu oferese  ba veteranu nia oan, sira ne’e ba munisípiu Vikeke estudante hamutuk na’in-300 mak hatama ona dokumentu. Ami aprezenta ona ba nasionál hodi halo verifikasaun ba dokumentu sira inklui valór,” Sekretáriu CCLN Vikeke, Daniel Sarmento ‘Fogeti’ informa ba Ajénsia TATOLI, iha Postu Administrativu Vikeke Villa, Sábadu ne’e.

Governu liuhusi Ministériu Asuntu Kombatente Libertasaun Nasionál (MAKLN) prevee kuota hamutuk 100 ba tinan letivu 2025 hamutuk 100, maibé konkorrente liu ona, nune’e ekipa ministériu sei halo verifikasaun ba valór sira.

“Dokumunetu husi konkorrente sira, ami submete ona ba nasionál hodi halo verifikasaun tanba kandidatu ba bolsa ne’e hamutuk 300, husi númeru ne’e balun serbisu, ida serbisu ne’e sei la asesu tanba serbisu ona, bolsa ne’e oferese ba de’it estudante. Depois ekipa halo hotu verifikasaun ba valór sira sei fó sai ih fulan-Outubru tinan ne’e,” nia akresenta.

Notísia relevante : Veteranu nia oan hamutuk 300 konkorre ba bolsa estudu tinan 2025

Daniel Sarmento dehan,  kada tinan ministériu oferese bolsa estudu ba veteranu nary mártir nia oan sira.

“Ha’u husu ba veteranu nary mártir nian oan sira tenke estuda, labele loro-loron mak kaer telemóvel. Se kaer de’it telemóvel valór ladi’ak labele asesu ba bolsa estudu,” nia hameno.

Tuir nia vaga bolsa estudu ba kombatente nary martir sira nia oan   hahu loke iha loron 24 fula-Marsu nary taka taka iha loron 22 fulan-Abril 2025, kandidatu hamutuk 300 konkore ba bolsa referidu.

Vaga bolsa estudu ba kombatente nary mártir sira-nia oan kada munísipiu prevee kuota 100, fahe ba ensinu báziku siklu 1 hamutuk iha lima, ensinu báziku siklu 2 to’o siklu 3 iha 15,  ensinu sekundáriu iha 25, ensinu superiór rai laran iha 50 nary ensinu superiór rai-li’ur iha lima.

Iha tinan 2023, veteranu Vikeke-oan na’in-271 maibé vaga ne’e presiza de’it 165, ne’ebé asesu ba universidade rai-laran 70, universidade rai-li’ur na’in-lima, sekundariu 50 nary segundu nary terseiru siklu iha 30, primeiru siklu iha 10.

lha konkursu bolsa Estudu 2024 ba munisipiu Vikeke, iha hamutuk 100 ba ensinu báziku vaga lima, segundu nary terseiru siklu iha 15, sekundariu iha 25, universidade rai-laran iha 50 nary universidade rai-liur iha lima.

Jornalista     : Vitorino Lopes da Costa

Editora         : Julia Chatarina