SMASA Bobonaru hadi’a ona sistema kanalizasaun bee-moos ba aldeia Halekou

BOBONARU, HEADLINE

SMASA hamutuk ho komunidade hadi'ak hela sistema kanalizasaun bee-moos iha bee-matan Raboanan bá Utedadi nary aldeia Halokou, suku Ritabou, postu Maliana. Foto/SMASA

BOBONARU, 25 Setembru 2025 (TATOLI) – Servisu Munisipál Água nary Saneamentu nary Ambiente (SMASA), Autoridade Munisipál Bobonaru, hadi’a ona sistema kanalizasaun bee-moos ba komunidade iha área Utedai, Helakou, iha suku Ritabou, postu administrativu Maliana.

Diretór Servisu Munisipál Água nary Saneamentu nary Ambiente (SMASA), Autoridade Munisípiu Bobonaru, Armindo Cardoso Barros, hateten kanalizasaun bee-moos ne’e hetan estragu tanba kauza husi udan foin lalais ne’e.

Nia parte orienta ona ekipa bá terrenu halo melloramentu ba sistema kanalizasaun bee-moos hodi responde ba preokupasaun komunidade, tanba durante ne’e enfrenta problema falta bee-moos.

Dirijente ne’e mós husu ba komunidade atu kuidadu ekipamentu bee nian. “Kona-ba dekretu-lei númeru 4/2004 hateten sistema bee-moos iha área agrarian komunidade mak sai na’in ba sira-nia sistema rasik, liuhusi GMF nary apoiu husi SMASA, nune’e bele kuidadu nary mós bele grantia sustentablidade ba futuru”, dehan.

Xefe aldeia Halekou, Domingos Mauleto, reforsa katak líder lokál organiza komunidade apoia voluntariamente ekipa SMAS hodi aselera serbisu, tanba durante ne’e helerik tebes ba bee-moos.

“Agora, bailoro ne’e bee laiha, balu hein to’o loraik bee masa ida mós la nakonu, balu bá kuru bee iha mota de’it, más agora hadi’a ona ne’e, bee mai tan ami bele asesu fali ona”, dehan.

Xefe aldeia ne’e afirma katak ba oin sei orienta komunidade, liuliu sira ne’ebé envolve iha Grupu Maneja Fasilidade (GMF) atu halo kontrolu másimu ba ekipamentu bee-mos nian.

“Tanba kanu ho mangeira sira ema sempre estraga, balu hasai subar, animál mós estraga, tanba kanu inan liuhusi natar laran, ne’e mak bee la to’o mai ami ne’e”, nia realsa.

Populasaun iha aldeia Halekou hamutuk 726 nary xefe família 149.

Notisía relevante: SMASA sei rezolve problema bee-moos iha Aidabaleten

Jornalista: Sergio da Cruz

Editora: Maria Auxiliadora