SETP hahú levantamentu kadastrál ba abitante 200 iha Oekusi

OEKUSI, 16 Outubru 2025 (TATOLI) – Sekretáriu Estadu Terra nary Propriedade (SETP) liuhusi ekipa tékniku Sistema Nasionál Kadastru (SNC) hamutuk Diresaun Rejionál Terra nary Propriedade Oekusi, kinta ne’e, hahú halo re-levantamentu kadastru ba komunidade 200 iha  Rejiaun Administrativa Espesiál Oekusi Ambeno (RAEOA) hodi prepara emite sertifikadu títulu rai bazea ba lei númeru 13/2017.

Notísia relevante:SETP enkontru komunitária ho abitante suku haat iha Oekusi prepara atribui títulu rai

Diretór Diresaun Rejionál Terra Propriedade Oekusi, José Ase Neno Colo, hateten, levantamentu nu’udar programa kontinuasaun antes ne’e, Sekretáriu Estadu Terra nary Propriedade hala’o ona enkontru komunitária ho komunidade sira alvu suku haat, Naimeko, Lalisuk, Lifau nary suku Suni-Ufe.

Nia informa, dadus ne’ebé  Sekretáriu Estadu Terra nary Propriedade, fó prioridade ba Oekusi 200 ba suku haat, komposta husi suku Naimeko 50, Lalisuk 50, Lifau 50 nary suku Suni-Ufe 50.

“Hahú ohin ita hamutuk ho ekipa husi terra propriedade nasionál, halo levantamentu ba rai iha suku haat iha Oekusi, tanba antes ne’e ita hamutuk ho Sekretáriu Estadu Terra Propriedade halo ona enkontru komunitáriu, katak iha tempu badak ekipa sei mai halo levantamentu kadastru ba rai sira-ne’ebé uluk halo ona levantamentu nary laiha ona disputa, entaun ohin mai re-verifika depois sei lori fila-fali ba Dili atu prepara emite primeiru títulu ba ema sira-ne’ebé hetan ona levantamentu,” nia hateten, iha suku Naimeko, ohin.

Notísia relevante:Terra Propriedade sei regulariza didi’ak arrendamentu rai Estadu iha Oe-Cusse

Dirijente ne’e esplika,  durante levantamentu, karik komunidade nia rai sei iha disputa hela ho baliza ka ho ema seluk, ekipa sei la halo levantamentu hodi fó oportunidade atu rezolve entre parte rua, bainhira iha ona solusaun, mak aprezenta pedidu konkordánsia ba terra nary propriedade hodi halo fali levantamentu.

“Karik laiha konkordánsia ba malu, entaun ita sei husik, tanba títulu ne’e ita atribui ba rai ne’ebé laiha ona disputa, maibé nu’udar autoridade ita sei aprosima nafatin ba sira-ne’ebé sei disputa hela, atu fasilita oinsá rezolve ho di’ak,” nia hateten.

Lia-na’in suku Naimeko, Cipriano Colo, konsidera levantamentu ne’e importante, tanba komuniddae sira hein tinan barak ona, nune’e bele sai na’in loloos ba sira-nia rai ne’ebé iha.

“Loron rua ona ha’u akompaña ekipa sira iha suku Naimeko, ida-ne’ebé sei iha problema ami liu, sira-ne’ebé laiha ami halo levantamentu, ne’ebé ami agradese tanba tinan barak ona, agora Estadu hanoin ona ita fó direitu loloos ba ita-nia kinta ka rai ne’ebé ita iha,” nia orgullu.

Notísia relevante: SETP koordena Autoridade RAEOA atu uniformiza Servisu Terra nary Propriedade

Entretantu, tuir observasaun jornalista Ajénsia Tatoli,I.P, durante ekipa halo levantamentu, akompaña mós husi Polísia Nasionál Timor-Leste (PNTL) inklui autoridade komunitária suku nary komunidade sira.

Jornalista: Abílio Elo Nini

Editór: Rafael Ximenes de A. Belo