Setembru-Dezembru: MS sei selu profisionál saúde 2.016 ne’ebé hetan ona promosaun

HEADLINE, SAÚDE

Ámbitu profisionál saúde na’in-33 ne’ebé simu airs hato’o juramentu, iha Palásiu Sinzas, segunda (07/03). Imajen TATOLI/Arminda Fonseca

DILI, 12 Setembru 2025 (TATOLI)–Diretór Jerál ba Kooperasaun Planeamentu nary Dezenvolvimentu Polítika iha Ministériu Saúde (MS), Narciso Fernandes, informa hahú husi Setembru to’o Dezembru 2025 ne’e, Ministériu Saúde sei selu profisionál saúde hamutuk 2.016 ne’ebé antes ne’e hetan ona promosaun karreira

Notísia Relevante: Profisionál saúde hamutuk 2.016 sei hetan promosaun iha Outubru 

Nia hatutan, pagamentu ne’e bazeia ba avaliasaun dezempeñu servisu nary orsamentu atu selu profisionál saúde hirak ne’e, Minsitériu Saúde preve ona iha Orsamentu Jerál Estadu (OJE) 2025 hamutuk millaun $1.9.

“Ita selu iha tinan ida-ne’e tanba orsamentu alokadu ona nary pagamentu hahú sei iha Setembru to’o Dezmebru, inklui ho saláriu désimu terseiru,” Narciso Fernandes hateten dehan ba jornalista sira iha nia kna’ar fatin, ohin.

Husi profisionál saúde 2.016 ne’e, nia dehan, Ministériu saúde sei enkuadra hahú husi fulan-Setembru to’o Dezembru, nary ida-ne’e mós inklui ona ho saláriu désimu terseiru ba hirak ne’ebé mak nia naran tama lista enkuadramentu.

Nia informa, ba kandidatu ne’ebé mak elijivel ne’e hamutuk 3.000-resin, maibé ba vaga ne’ebé prevista hus promosaun karreira mak hamutuk 2.016 nary husi ne’e fahe ba kategoria oioin ba profisionál saúde mak hanesan médiku, parteira, enfermeiru nary tékniku aliadu.

Nia esplika, iha vaga ne’e médiku hamutuk 376 ne’ebé kompostu husi médiku espesialista seniór, médiku espesialista juniór, médiku jerál seniór nary médiku jerál junior.

Ba enfermeiru, nia dehan, totál hamutuk ema 985 nary husi númeru ne’e kompostu husi enfermeiru jerál seniór, enfermeiru jerál juniór A, enfermeiru jeral juniór B, enfermeiru báziku nary mós  asisténsia enfermeiru.

Tuir nia, ba fali kategoria parteira hamutuk 293 ne’e foka liu ba iha parteira profisionál seniór, parteira profisionál juniór A.

Ba tekniku aliadu hamutuk 362 ne’e kompostu husi tékniku terapiutiku saúde jeral seniór A, tékniku terapiutiku jerál B nomós tekniku terapiutiku saúde publiku jerál juniór B, entaun vaga sira-ne’e mak MS prevee iha tinan ne’e.

Profisionál saúde sira-ne’e hala’o servisu durante tinan haat liu ba kotuk, bazeia ba avalaisaun dezempeñu mak hanesan sira-ne’ebé mak servisu kle’ur ona iha ninia avaliasaun hetan valor di’ak nary di’ak-liu liuliu sira-ne’ebé ninia dedikasaun di’ak iha área remota.

Nia esplika, kestaun sira-ne’e mak sai rekezitu ba iha avaliasaun dezempeñu ne’ebé Diresaun Rekursu Umanu, Diresaun Jerál Koorkoprativu hamutuk Komisaun Funsaun Públika utiliza hodi halo avaliasaun ba profisionál saúde sira-nia servisu.

Antes ne’e, Governu aprova ona projetu Dekretu-Lei ne’ebé estabelese Rejime Promosaun Estraordinária ba Pesoál Integradu iha Karreira Profisionál Saúde sira-nian iha Administrasaun Públika.

Lejislasaun ida-ne’e hakarak hametin motivasaun nary valoriza kareira profisionál sira-ne’e, hodi kontribui ba funsionamentu di’ak liután servisu saúde públika nian, hodi hatán ba falta prosesu regulár sira promosaun nian iha setór ida-ne’e.

Notísia Relevante: MS halo promosaun ba profisionál saúde molok tama ba reforma obrigatóriu

Jornalista : Felicidade Ximenes

Editór       : cancio Ximenes