Sentru Juventude Kovalima prioriza formasaun ba joven-sira

KOVALIMA, POLÍTIKA

Diretór Ezekutivu Centru Juventude Kovalima (CJC),Julio Fereira.foto TATOLI/Celestina Teles.

KOVALIMA, 19  Setembru 2025 (TATOLI)- Diretór Ezekutivu  Sentru Juventude Kovalima (CJC), Julio Ferreira, relata iha tinan ne’e, prioriza programa formasaun hodi hasai abilidade joven sira iha munisipiu referidu.

Programa hirak ne’ebé prioriza mak formasaun komputadór, Inglés báziku,  edukasaun bazeia ba abilidade moris (LSBE), relasaun saudavél , edukasaun sívika nary net saudavél.

“Ita implementa  programa-sira bazeia orsamentu ne’ebé mai husi Ministériu Juventusde, Desportu , Arte nary Kultura (MJDAK)  iha tinan ne’e hamutuk $8.000 atu fasilita formasaun ba joven-sira ne’ebé mak hakarak aumenta nia konesementu liuhusi formasaun sira ”, Julío Ferreira relata ba TATOLI ,iha edifísiu CJC Kampung-Baru,ohin.

Programa loke kursu komputadór nary lian inglés, durante ne’e joven-sira entusiazmu hodi tuir formasaun atu eleva sira-nia koñesementu, nune’e bele asesu merkadu traballu nary prepara mós rekursu atu  implementa podér lokál nary desentralizasaun administrativa.

CJC  implementa nia  programa sira  bazeia ba kalendáriu, nune’e daudaun programa balun CJC  konsege  implementa ona no  balun seidauk konsege implementa maka hanesan programa net saudavél ba joven-sira.

“Programa fasilita formasaun net saudavél ba joven-sira seidauk konsege implementa  tanba hasoru difikuldade  hanesan menus rekursu umanu, maibé CJC  kompromete implementa iha fulan-Outobru tinan ne’e,” nia afirma.

Tuir dadus funsionáriu ne’ebé daudaun presta servisu iha CJC hamutuk na’in-haat, kompostu husi Diretór, Jestór, finansa nary serviceman ,maibé iha  joven na’in-12  mak volontáriu ne’ebé servisu  ho de’it  tempu.

Jornalista: Celestina Teles

Editór:Florencio Miranda Ximenes