São José FC garante hakat bá primeira divizaun Liga Futeból Feminina Timor-Leste

DESPORTU, HEADLINE

Prezidente Klube Femininu São José, António Timótio. Imajen TATOLI/Natalino Belo

DILI, 12 Setembru 2025 (TATOLI)–Klube Futeból Femininu, São José garante sei promovida ba primeira divizaun Liga Futeból Femeninu Timor-Leste (LFTL).

Prezidente Klube São José FC, António Timótio esplika klube referida fiar aan hakat bá primeira divizaun tanba halo ona preparasaun másima nary sukat ona forsa hodi kompete ho klube rua seluk iha faze apuramentu.

“Ha’u fiar ba treinadór nary jogadór sira sei kompetitivu iha kompetisaun apuramentu ne’e,” António Timotio informa ba TATOLI iha edifísiu Federasaun Futeból Timor-Leste (FFTL), Bairros dos Grilos, Sesta ne’e.

Timótio relata klube São José eziste kle’ur ona mezmu lori fulan-ida hodi halibur jogadór hodi halo preparasaun relasiona ho kompetisaun apuramentu LFTL.

Notísia relevante: Klube futeból tolu sei kompete faze apuramentu antes hakat bá Liga Feminina

Nia dehan maioria jogadór São José rekrutadu husi munisípiu nune’e garante iha fíziku.

“Ha’u garante sei gaña vitória iha jogu dahuluk tanba ekipa rua ne’e ami koloka iha segunda divizaun,” Timotio promete.

Kompetisaun faze apuramentu sei hahú abertura iha loron Sábadu, 13 Setembru nary ramata iha loron 23 Setembru ne’ebé tuir oráriu, ekipa Na’in-Feto FC sei kontra VDL FC iha loron-aban, 12 Setembru iha Estádiu Munisipál Dili. Enkuantu, São José rasik sei kontra Na’in-Feto iha Kampu Lalenok, 15 Setembru.

Entretantu, klube ne’ebé serteja ona kompete iha iha primeira divizaun hamutuk klube ualu hanesan Buibere FC, AD-SLB, S’amuser FC, Maranatha FC, FC Kulugisa, Akadémika FC, UNITAL FC, Maudoko FC.

Jornalista: Natalino Belo 

Editór: Xisto Freitas da Piedade