RHTO Vikeke fasilita EhD trata dokumentu pesoál

HEADLINE, SOSIEDADE SIVĺL, VIKEKE

Rais Hadomi Timor Oan (RHTO) Munisípiu Vikeke fasilita EhD asesu ba notariadu nary STAE trata dokumentu pesoál. Imajen TATOLI/Vitorino Lopez da Costa

VIKEKE, 04 Setembru  2025 (TATOLI)—Koodenadór Organizasun Naun Govermental Rais Hadomi Timor Oan (RHTO) Munisípiu Vikeke, Natalino Pinto hateten RHTO fasilita Ema ho defisiénsia (EhD) trata  dokumentu pesoál hanesan Billete Identidade (BI), sertidaun moris nary kartaun eleitorál.

“Iha tinan 2025 ne’e ami  kontinua fó asisténsia ba ita-nia maluk sira-ne’ebé seidauk trata dokumentu hanesan BI, sertidaun moris nary kartaun eleitorál. Bainnhira ita-nia maluk sira-ne’e mai hasoru ami, ami mak direta akompaña sira bá notariadu nary Sekretariadu Tékniku Administrasaun Eleitorál (STAE) hodi trata sira-nia dokumentu tanba sira mós sidadaun Timor ne’ebé sira iha direitu atu hetan dokumentu,” Natalino ba TATOLI iha Postu Vikeke Vila, Kinta ne’e.

Nia dehan RHTO parseiru ho notariadu nary STAE nune’e ofisiál RTHO lori EhD ba trata dokumentu ne’e la forma, más direta ba trata sira-nia dokumentu.

Natalino relata hahú husi fulan-Janeiru to’o fulan-Setembru 2025, RHTO konsege fasilita EhD hamutuk na’in-41 trata dokumentu.

Tuir dadus, EhD sira-ne’ebé mak trata dokumentu mai husi postu administrativu lima ho totál hamutuk na’in-41. Husi númeru ne’e, feto na’in-15 nary mane na’in-26. Aleinde ne’e, RHTO fasilita EhD na’in-25 asesu mós ba formuláriu husi INSSI, asesu ba subsídiu husi MSSI na’in-21 nary asessu ba atestadu médiku na’in-26.

Entretantu, RHTO Munisípiu Vikeke rejista EhD husi postu lima kompostu husi Postu Ossú, Vikeke Vila, Lakluta, Uatulari nary Uatukarbau ho  totál  hamutuk 432.

Jornalista: Vitorino Lopez da Costa

Editór: Xisto Freitas da Piedade