Revizaun ba Konstituisaun presiza konsensu parlamentár

HEADLINE, SOSIEDADE SIVĺL

Diretor yayasan Hak, Feliciano da Costa Araujo.Imajen/Tatoli

DILI, 29 Agostu 2025 (TATOLI)-Diretór ba Association for Law, Human Rights and Justice (HAK), Feliciano da Costa Araújo, hateten presiza konsensu iha Parlamentu Nasionál atu halo revizaun ba Konstituisaun Timor-Leste.

Nia apoia inisiativa deputadu husi Partidu Kongresu Nasionál Rekonstrusaun Timorense (CNRT, sigla portugés) ne’ebé propoin atu halo revizaun ne’e.

“Bainhira revizaun ne’e akontese, ne’e tenke konsensu, maiória bele kalkula votu 43 tenke aseita”, nia hateten.

Dirijente ne’e sujere katak atu trata kestaun referida presiza envolve partidu sira asentu parlamentár nary partidu sira ne’ebé la hetan asentu, inklui akadémiku, sosiedade sívil nary parte relevante sira seluk hodi fó sai ideia ida de’it.

Lembra katak deputadu, Natalino dos Santos, mak rekomenda ba Prezidente Parlamentu Nasionál atu halo artikulasaun ho bankada Parlamentár sira hodi halo revizaun ba Konstituisaun Timor-Leste nian.

Deputadu ne’e observa katak durante ne’e iha interpretasaun oioin ba Konstituisaun, liuliu iha artigu 69, 74, 76, 106, 112. Tanba iha tinan 2017, formasaun Governu momentu ne’ebá ho de’it minoria Parlamentár, nary tuirmai Prezidente Repúblika la fó airs ba membru Governu nary foin lalais mosu intervensaun oioin kona-ba Lei Organizasaun Judisiária.

Notísiarelevante: https://tatoli.tl/2025/08/27/deputadu-cnrt-propoin-halo-revizaun-ba-konstituisaun/

Jornalista: Nelson de Sousa

Editora: Maria Auxiliadora