Régio Salu komprometidu sei ezekuta fundu sosiedade sívil iha mandatu fulan tolu

OEKUSI

Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu. Imajen TATOLI/Abilio Elo Nini

OEKUSI, 12 Setembru 2025 (TATOLI) – Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, kompromete ba povu Oekusi katak maske nia simu mandatu husi Governu atu lidera Oekusi fulan tolu de’it, maibé sei esforsa atu ezekuta fundu sosiedade sívil atu impulsa partisipasaun inklusiva.

“Iha ha’u-nia Governasaun nu’udar Autoridade RAEOA mandatu maske semana ida de’it, ha’u sei reorienta fundu sosiedade sívil, ne’ebé kada tinan kompete fali ho Governu nary kompete fali ho povu. Fundu subvensaun públika ne’e atu impulsa partisipasaun inklusiva, povu iha faze nary desizaun determinante ba planeiamentu nary investimentu estratéjiku, ho objetivu nary karatér atu haforsa sira, reziliente nafatin,” nia hateten iha Oekusi.

Notísia relevante:PA RAEOA nary ONG sira selebra akordu subvensaun públika rihun $351

Tanba ne’e, nia dehan, mandatu autoridade fulan tolu de’it, atu halo serbisu reorienta, fila-fali serbisu administrasaun públiku, ita hahú ho haree karatér, tanba ita valoriza natureza espasu fíziku ema, nary karatér fatór determinante ba dezenvolvimentu Oekusi nary viabilidade serbisu Oekusi nian.

Notísia relevante: https://tatoli.tl/2025/07/16/dezenvolve-ekonomia-familia-afmef-eleva-abilidade-grupu-feto-iha-oekusi/

Entretantu, tuir dokumentu livru Orsamentu Jerál Estadu (OJE) 2025 RAEOA nian, iha alokasaun orsamentu ba Transferênsia Públika ba Divizaun Gabinete Prezidente Autoridade (GPA) okupa 20.70%  ekivalente ba $920,760.00 505. Husi montante ne’e, alokasaun orsamentu ikus liu mak Transferénsia Publika ne’ebe okupa 7% ho objetivu atu apoiu parseiru dezenvolvimento hanesan Programa Nasaun Unida ba Dezenvolvimentu (PNUD), ONG lokál sira nary seluktan.

Notísia relevante:PM Xanana atribui prioridade neen ba PA RAEOA ezekuta durante fulan tolu

Jornalista: Abílio Elo Nini

Editór: Rafael Ximenes de A. Belo