Projetu reabilitasaun estrada Nunumalu-Iraler iha progresu

MUNISÍPIU, VIKEKE

Progresu projetu reabilitasaun estrada diresaun Nunumalau liga bá Iraler. Imajen TATOLI/Vitorino Lopez da Costa

VIKEKE, 02 Setembru 2025 (TATOLI)—Progresu projetu reabilitasaun estrada diresaun Nunumalau, Suku  Afalokai, liga bá Aldeia  Iraler, suku  Matahoi, Postu Administrativu Uatulari, Munisípiu Vikeke, fizikamente atinje pursentu 18,06%.

Enjiñeiru husi Empeza Bere Is Back, André da Costa Tavares haktuir progresu fíziku daudaun ne’e tama ona iha konstrusaun point valeta nary empreza agora  prepara hela atu publication tan item muru kontensaun (tembok penahan) no gabiaun.

“Progresu  servisu ne’ebé atinje ne’e 18,06%. Agora ita-nia badaen sira kontinua konstrui valeta. Ami mós prepara atu ke’e tan  muru kontensaun nary gabiaun nian. Ami sei esforsu maka’as hodi aselera serbisu reabilitasun tanba daudaun ne’e ita tama ona bá tempu bailoron, oportunidade ba empreza para finanliza obra,” André ba TATOLI iha Postu Administrativu Uatulari, Tersa ne’e.

Notísia relevante: Autoridade Uatulari lansa projetu reabilitasaun estrada rurál husi Nunumlau bá Iraler

Nia haktuir husi atinjimentu ne’e empreza konklui ona point ida konstrusaun drenajen, nune’e daudaun ne’e point tolu mak sei kontinua serbisu hanesan valeta, muru kontensaun nary gabiaun, depoiz point tolu ne’e konklui sei kontinua ba point sira seluk (deker).

“Ami-nia mobilizasaun materiál konstrusaun sira hanesan  fatuk, rai-henek, simente, gabiaun nary besi daudaun ne’e estoke nakunu hela iha fatin konstrusaun hodi hafasil ami-nia servisu,” nia relata.

Kona-ba dezafiu, André haktuir, antes ne’e empreza hasoru difikuldade mak klima (udan) ne’ebé difikulta empreza hodi mobiliza materiál lokál nary materiál fabrikadu ba fatin konstrusaun, maibé iha fulan ida-ne’e udan para ona ne’ebé serbisu la’o di’ak.

Daudaun ne’e projetu reabilitasaun estrada diresaun Nunumalau liga bá Iraler grupu tolu mak hala’o hela serbisu ho totál traballadór hamutuk na’in-16.

Projetu  reabilitasaun estrada rurál ne’e implementa husi Empreza Bere is Back, ho pakote konstrui drenajen nary cor estrada husi 0+00-2+500, gabiaun nary ponte ki’ik rua ho totál orsamentu hamutuk $632.073,34. Projetu referidu sei superviziona husi tékniku Ministériu Obra Públika (MOP).

Jornalista: Vitorino Lopez da Costa

Editór: Xisto Freitas da Piedade