Profisionál saúde fó tratamentu saúde ba pasiente 34 iha atividade DITE 2025

SAÚDE

Partisipantes Dili International Trade Expo 2025, faan hela sira-nia produtu lokál iha CCD 29 agostu 2025.Foto TATOLI/Francisco Sony

DILI, 02 Setembru 2025 (TATOLI)—Diretór Servisu Nasionál Ambulánsia nary Emerjénsia Médika, Institutu Públiku (SNAEM, I.P), Simplicio Amaral, informa durante loron lima iha atividade Dili Internaional Trade Expo (DITE) 2025 iha sentru konvensaun Dili ne’e, profisionál saúde liuhusi SNAEM, I.P fó tratamentu saúde ba pasiente hamutuk 34 husi pasiente nasionál nary internasionál.

“Atividade servisu nasionál ambulánsia ne’ebé durante loron lima apoiu ba eventu Dili Internasional Trade Expo 2025 ne’ebé realiza iha CCD, entaun ita koloka médiku na’in-haat (4),  enfermeiru tolu (3) nary ambulánsia VIP ho tenda  inklui ekipamentu saúde, nune’e ita atende partisipante nasionál nary internasional hamutuk 34,” Simplicio Amaral hateten ba Agência Tatoli iha nia kna’ar fatin, Kaikoli, ohin.

Durante loron dahuluk, ekipa profisionál saúde hahú fó atendimentu uluk ba funsionáriu sira husi Ministériu Komérsiu nary Indústria (MKI) liuliu sira-ne’ebé mak servisu iha lojistika hodi halo uluk medikál check up.

“Husi partisipante sira-ne’ebé mak ami fó tratamentu ne’e mai husi nasionál nary internasionál, entaun husi totál estranjeiru na’in-sia (9) mak ami atende, tanba sira mai kedas ho nia médiku sira. Tanba iha CCD laran ne’e mós, iha ezpozisaun, iha klinika privadu sira iha Dili laran, sira mós iha ne’eba hotu hamutuk ho sira-nia médiku ka enfermeiru tekniku aliadu sira iha ne’eba, entaun ita fó uluk atendementu ba ema estranjeiru na’in-sia (9),” nia relata.

Partisipante ne’ebé mak halo tratamentu ne’e sira mai ho moras oioin hanesan  ulun moras, estomagu, tensaun alta, balun mai ho tensaun baixa, inan feton sira balun mai ho IRA, tanba daudaun ne’e ambiente ne’ebé mak la un saudavel, tanba anin nary rai-rahun makaas, balun isin moras hotu nary balun mai ho moras diarea.

“Sira-ne’e maioria idade 30 ba leten, balun idade 27, balun 28, maibé ida bee moras tensaun alta ne’e mai ho idade 30 ba leten,” nia dehan.

Husi Dili Internaional Trade Expo (DITE) 2025 ne’e partisipante sira la ha ida mak moras grave, nune’e lahalo transferénsia ba Hospitál Nasionál Guido Valadares, entaun pasiente 34 halo hotu tratamentu iha tenda ne’ebé mak SNAEM estabelese iha CCD ne’e.

“Pesoál ne’ebé mak halo atendementu ne’e mai husi rekursu umanu husi Ministériu Saúde nary ita la husu apoiu ba ita-nia parseiru CVTL, NGO sira seluk. Tanba ita mos koloka pesoál saúde balun ba ótel sira-ne’ebé mak bainaka sira hela ba, entaun full lolos ne’e mak 18 pesoál saúde ne’ebé durante apoiu ba atividade expo iha CCD,” nia dehan.

Jornalista : Felicidade Ximenes

Editór        : Cancio Ximenes