“Presiza edukasaun polítika ba joven sira atu bele komprende polítika demokrasia”

POLÍTIKA

Primeiru-Ministru (PM), Kay Rala Xanana Gusmão. Imajen/Mídia PM.

DILI, 02 Setembru 2025 (TATOLI)–Primeiru-Ministru (PM), Kay Rala Xanana Gusmão hateten presiza edukasaun polítika ba joven sira importante atu bele komprende kona-ba saida mak polítika demokrasia hodi hateke ba futuru nasaun nian.

Notísia Relevante: Xanana husu Universidade loke diskusaun atu kapasita juventude sira-nia vizaun

“Edukasaun polítika liuliu iha komunidade, liuliu ba joven sira para sira bele komprende saida mak demokrasia nary buat hotu-hotu,” Xefe Governu hateten bainhira sai oradór prinsipál iha semináriu nasionál ne’ebé realiza husi Prezidente Repúblika José Ramos-Horta ho tema “Papél jerasaun foun iha kontextu dezenvolvimentu nasionál hodi hatutan obra jerasaun tuan”, iha Palásiu Prezidensiál Nicolau Lobato, Bairru Pite, tersa ne’e.

Atu realiza edukasaun polítika, organizasaun nary parte hotu nia responsabilidade atu hanorin foinsa’e sira atu kopmprende kona-ba demokrasia.

“Ne’e husi organizasaun-sira ne’ebé hanorin labarik-sira atu sai sidadaun, edukasaun polítika nary edukasaun sívika, buat ida ne’ebé importante tebes atu halo revolusaun mentalidade,” nia hateten.

Tuir Xanana, joven agora ne’e presiza halo revolusaun totál ba iha mentalidade tanba maiória tuur hein de’it nary lakohi atu esforsu an.

“Mentalidade ida agora ne’e barak mak tuur hein de’it, ne’e labele, tenke halo revolusaun ba mentalidade. Joven sira labele husu ba rai ne’e atu fó saida ba imi nova jerasaun, husu ba imi nia-an rasik saida mak imi atu fó ba rai-ne’e, saida de’it,” nia esplika.

Nia hatutan, joven barak lakohi ona atu envolve-an iha vida agrikultura, lakohi atu halo-an foer, ho nune’e revolusaun ba mentalidade presiza duni ba joven sira atu muda hanoin negativu hirak ne’e.

“Joven sira la hanoin atu kontribui husi vida agrikultura, lakohi atu hamoos fo’er sira iha bairru-bairru, presiza revolusaun mentalidade. Sira la sente katak sira-nia papel ne’e atu halo buat sira-ne’e, atu proteje ita-nia nasaun, atu hadi’a halo ita-nia rainfall ne’e moos uitoan, sira la sente liu,” nia hateten.

Tanba ne’e, revolusaun mentalidade hahú husi eskola hotu iha teritoriu nasionál, atu joven sira bele hatene sira nia-an nary iha responsabilidade másimu atu kontribui ba dezenvolvimentu nasaun.

Jornalista : Hortencio Sanchez

Editór        : Cancio Ximenes