PNTL konsidera Baukau seguru tanba kontribuisaun husi entidade sira

BAUKAU, HEADLINE, MUNISÍPIU, SEGURANSA

Komandante PNTL Munisípiu Baukau, Superintendente João Sancho Pires aprezenta materiá bainhira sai oradór ba semináriu ne'ebé realiza iha Postu administrativu Baguia, Kuarta (03/09/2025). Imajen TATOLI/Natalino Belo

BAUKAU, 03 Setembru 2025 (TATOLI)—Komandu Polísia Nasionál Timor-Leste (PNTL) Munisípiu Baukau konsidera situasaun seguransa hakmatek durante tinan-2025 ne’e tanba maihosi fatór kontribuisaun husi entidade hotu liuliu kombatente nary juventude.

Komandante PNTL Munisípiu Baukau, Superintendente João Sancho Pires esplika estabilidade seguransa nu’udár fatór determinasaun ba dezenvolvimentu iha Munisípiu Baukau maibé atu garante situasaun sira-ne’e presiza maturidade husi komunidade liuliu oinsá hamutuk ho autoridade seguransa hodi hametin pás nary estabilidade.

“Situasaun iha Baukau to’o agora seguru. Ne’e kontribui maihusi ema hotu-hotu liuliu aman veteranu nary juventude tanba hakarak dezenvolvimentu iha Baukau,” Komandante PNTL Munisípiu Baukau hateten bainhira sai oradór iha semináriu ne’ebé realiza iha Postu Administrativu Baguia, Kuarta ne’e.

Superintendente Pires dehan kontribuisaun ne’ebé presiza halo mak hanesan edukasaun uma-laran liuliu inan-anan hanorin oan kona-ba atitude, organizasaun arte marsiál nary rituál sira oinsá bele halo diferensa entre problema privadu nary grupu inklui kamada sosiál hanesan kombatente libertasaun nasionál ne’ebé sempre iha devér atu fó akonselamentu ba juventude.

Pires argumenta papél PNTL asegura polítika Governu kona-ba dezenvolvimentu ligadu ho setór seguransa hanesan buka solusaun ba impedementu projetu iha baze nune’e liuhosi eskuadra iha kada postu administrativu atu mantein komunikasaun ho komunidade liuliu evita mosu problema pesoál afeta ba interese komún.

“Ezemplu dalan Kelikai bá Nahareka nary Laga to’o Baguia labele mosu impedimentu, katak problema pesoál labele afeta ba ema barak nia interese,” Superintendente Pires informa.

Entretantu, durante fulan-Janeiru to’o Agostu tinan ne’e, PNTL rejista kazu krime hamutuk 200-resin, maoria krime violénsia doméstika. Postu Administrativu Baukau Vila mak rejista krime aas liu nary Postu Baguia númeru krime ki’ik hamutuk 14.

Jornalista: Natalino Belo 

Editór: Xisto Freitas da Piedade