PM Xanana hetan vizita husi Internasionál Trade Union Confederation

HEADLINE, POLÍTIKA

𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 𝐞𝐧𝐤𝐨𝐧𝐭𝐫𝐮 𝐡𝐨 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐓𝐫𝐚𝐝𝐞 𝐔𝐧𝐢𝐨𝐧 𝐂𝐨𝐮𝐧𝐜𝐢𝐥 𝐀𝐬𝐢𝐚 𝐏𝐚𝐜𝐢𝐟𝐢𝐜, 𝐢𝐡𝐚 𝐏𝐚𝐥𝐚́𝐬𝐢𝐮 𝐆𝐨𝐯𝐞𝐫𝐧𝐮 𝐃𝐢𝐥𝐢, sesta (12/09). Imajen Media GPM

DILI, 12 Setembru 2025 (TATOLI)—Ekipa International Trade Union Confederation (ITUC) hasoru malu ho Primeiru-Ministru, Xanana Gusmão, hodi diskute kona-ba problema balun ne’ebé Konfederasaun Sindikatu Timor-Leste (KSTL) enfrenta, liuliu joven ho empregu.

Ekipa ITUC lidera hosi Sekretáriu Rejionál, Shoya Yoshida, ne‘ebé énfaze kona-ba diálogu sosiál konstrutivu entre traballadór sira ho sindikatu atu bele garante diálogu ne‘ebé di‘ak ba dezenvolvimentu ida inkluzivu.

“Dálogu sosiál konstrutivu ne’ebé iha, hetan apoiu hosi Governu Timor-Leste, liuliu atu ita haree mós kona-ba aumentu saláriu mínimu nomós demanda pesoál ligadu ho traballadór sira”, Shoya Yoshida hateten iha Palásiu Governu, ohin.

Primeiru-Ministru konkorda atu hametin liután asuntu ida-ne’e liuhosi lei sira ne‘ebé iha atu regula nary hametin kooperasaun entre KSTL nary mós Kámara Komérsiu nary Indústria Timor-Leste (CCI-TL) hodi hadi’a serbisu sira ligadu ho traballadór nary empregadór sira garantia dezenvolvimentu ida di’ak liu.

Konfederasaun Sindikatu Internasionál mós hato‘o impresaun maka’as ba povu Timor-Leste ne’ebé ho karáter amigavel tebes, tanba hatudu perspetiva ida katak sei iha futuru ida ne‘ebé di‘ak.

“Ita diskuste kona-ba joven nary empregu. Governu tenke ezerse ninia knaar ida importante atu fornese treinamentu hodi eleva foinsa’e sira-nia abilidade ba serbisu. KSTL, Trade Union ho empregadór sira tenke ezerse idaidak nia knaar atu ajuda foinsa’e sira hodi bele asesu ba empregu, nune‘e hametin sira-nia serbisu iha rai-laran”, hateten.

ITUC rasik mak lian globál ba traballadór sira iha mundu tomak.

ITUC nia misaun prinsipál atu promove nary defende traballadór sira-nia direitu nary interese liuhosi kooperasaun internasionál entre sindikatu sira, kampañia globál sira nary advokasia ho instituisaun globál xave sira.

Ninia área prinsipál sira atividade nian inklui: sindikatu sira nary direitu umans; ekonomia, sosiedade, nary servisu fatin; igualdade nary laiha diskriminasaun; nary solidariedade internasionál.

ITUC adere ba prinsípiu sira demokrasia nary independénsia sindikatu nian. Ida-ne’e governa hosi kongresu mundiál kuadrenál sira, Konsellu Jerál ida, nary Konsellu Ezekutivu ida.

ITUC nia organizasaun rejionál sira maka Organizasaun Rejionál Ázia-Pasífiku (ITUC-AP), Organizasaun Rejionál Afrikana (ITUC-AF), nary Organizasaun Rejionál Amerikanu (TUCA). ITUC koopera ho Konfederasaun Uniaun Traballadór Europeia, inklui liuhosi Konsellu Rejionál Pan-Europeu.

ITUC mantein relasaun besik ho Federasaun Sindikatu Globál sira nary Komité Konsultivu Sindikatu nian ba OCDE (TUAC). Nia serbisu besik ho Organizasaun Internasionál Traballu nian nary Ajénsia Espesializada ONU nian sira seluk.

Jornalista: Arminda Fonseca 

Editora: Maria Auxiliadora