Períodu tranzisaun, Koordenadór AMB haruka karta ofisiál tolu bá MAE

BOBONARU, HEADLINE

Koordenadór Autoridade Munisipál Bobonaru (AMB), Celestino Marques. Imajen dok. TATOLI

BOBONARU, 04 Agostu 2025 (TATOLI)—Durante períodu tranzisaun, Koordenadór Autoridade Munisipál Bobonaru (AMB), Celestino Marques konsege haruka karta ofisiál tolu ba Ministru Administrasaun Estatál (MAE), Tomás bash Rosário Cabral hodi husu emisaun baze legál.

Marques informa karta ofisiál primeiru mak emisaun baze legál ba utilizasaun Salaun Maria-Tapó nary Jináziu Maliana hodibele guia Autoridade Munisipál Bobonaru atu halo jestaun ba salaun rua ne’e tuir lei haruka.

Celestino Marques hato’o kestaun ne’e liuhusi aprezentasaun relatóriu dezempeñu servisu durante períodu tranzisaun molok husik responsablidade nu’udár Koordenadór Autoridade Munisipál nary entrega servisu tomak ba Prezidente Autoridade Munisipál Bobonaru foun, Paulo Moniz Maia.

“Salaun rua ne’e lokaliza iha fatin estratéjiku nary baibain públiku ho organizasaun naun-governamentál sira sempre uza ba atividade ofisiál oinoin. Agora daudaun laiha baze legál ne’ebé espesifikamente regula prosedimentu taxa nary mekanizmu ba jestaun rendimentu aluga nian. Tanba ne’e, emisaun baze legál ida-ne’e sai hanesan referénsia ba Autoridade Munisipál Bobonaru hodi hatán ba pedidu utilizasaun ho maneira transparente, responsabilidade nary tuir provizaun legál ne’ebé aplikavel,” nia dehan iha Salaun Maria-Tapó, Bobonaru, Kinta ne’e.

Notísia relevante: Entidade sira simu PAM foun Bobonaru, prometidu sei la halo divizionizmu

Daruak,  Atuál Diretór Nasionál Apoia Administrasaun Suku ne’e hato’o ba MAE atu halo emisaun baze legál ba instalasaun  kontadór prepagu iha sede suku tanba Eletrisidase Timor-Leste, Empreza Públika (EDTL, E.P.) ezije tenke enxe pulsa.

“Ha’u haruka ba ministru atu lori bá Konsellu Ministru karik bele fó injesaun ba períodu tranzisaun ida-ne’e hodi hein to’o orsamentu 2026 aprovadu mak ita foin aplika pagamentu, nune’e atendimentu iha suku sira labele para tanba de’it ahi la lakan, ne’ebé difikulta ita-nia oan sira trata deklarasaun ruma ba estudu nian,” Celestino informa.

Karta ofisiál datoluk, nia dehan, husu emisaun baze legál atu halo pagamentu subsídiu ofisiál tékniku agrikultura sira-ne’ebé servisu iha terrenu.

“Orsamentu aprovadu maibé laiha baze legál ida dehan pagamentu subsídiu, entaun ita haruka lai matenek-na’in ne’ebé kaer lei hateten to’ok liafuan ruma ligadu ho ida-ne’e, nune’e bele hadook ita husi risku tanba lei klaru katak kualker pagamentu labele halo kuandu laiha baze legál,” nia subliña.

Enkuantu, iha períodu tranzisaun, atividade sira-ne’ebé Koordenadór Autoridade Munisipál Bobonaru la konsege realiza mak limpeza jerál hahú husi Nunura bá to’o Mota-Ain. Aleinde ne’e, la konsege vizita traballu ba Postu Administrativu Lolotoe hodi haree besik kondisaun komunidade.

Jornalista: Sergio da Cruz

Editór: Xisto Freitas da Piedade