Pagamentu pensaun sosiál faze datoluk iha Nítibe hahú ona

OEKUSI

Foto mídia INSS Oekusi

OEKUSI, 22 Setembru 2025 (TATOLI) – Ekipa husi Institutu Nasionál Seguránsa Sosiál (INSS) hamutuk ho Banku Nasionál Comérsiu Timor-Leste (BNCTL), segunda ne’e, halo abertura pagamentu pensaun sosiál faze datoluk, husi fulan-Jullu, Agostu nary Setembru ba ferik-katuas nary Ema ho Defisiénsia (EhD) iha suku lima iha sub-rejiaun Nítibe Rejiaun Administrativa Espesiál Oekusi Ambeno (RAEOA).

“Loron dahuluk ita abertura ba aldeia hitu husi suku taolu, hahú uluk iha suku Bene-Ufe ba aldeia tolu, suku Usitaku aldeia Kuantua nary kontinua ba suku Suni-Ufe ba aldeia tolu,” Koordenadór INSS Oekusi, Teotoniu Tolan hato’o ba jornalista sira iha Oekusi, ohin.

Notísia relevante: https://tatoli.tl/2025/06/24/inss-bnctl-oekusi-abertura-pagamentu-pensaun-sosial-ba-benefisiariu-1-506-iha-nitibe/

 Nia informa, durante prosesu pagamentu, akompaña mós husi ekipa integradu komposta husi Autoridade RAEOA liuhusi Diresaun Rejionál Edukasaun nary Solidariedade Sosiál, Polísia Nasionál Timor-Leste (PNTL) nary hetan observasaun másima husi Provedória Direitu Humanu nary Justisa (PDHJ), hamutuk ho autoridade komunitáriu xefe suku nary xefe aldeia sira, inklui parte saúde, atu prepara bainhira idozu sira enfrenta problema ba saúde, bele responde imediata.

“Ne’ebé, totál benefisiáriu iha Oekusi hamutuk 7.947, mai husi suku 20 nary sub-rejiaun haat,” nia relata.

Koordenadór ne’e esplika, maneira pagamentu ne’e, konsentra de’it sede suku, maibé sira-ne’ebé la’o labele, mak ekipa konjunta sei fahe, balun sei halo pagamentu movél, ba benefisiáriu sira-nia rezidénsia, tanba oraríu pagamentu hahú iha tuku 08:30 minutu termina iha tuku 19:00 oras Timor-Leste, maibé karik to’o oras termina, mak benefisiáriu sei iha liña forma, mak ekipa sei estende ka hanaruk tempu.

“Maneira pagamentu ne’e balun bele liuhusi Automated Teller Machine (ATM) P24, sira-neʼebé hela iha área rurál seidauk iha konta bankária nary ATM konsentra iha sede suku idak-idak, nary sira-ne’ebé la’o labele, ekipa sei halo movél to’o duni benefisiáriu nia rezidénsia (hela fatin),” nia katak.

Diretór Diresaun Rejionál Edukasaun nary Solidariedade Sosiál, Vincencio Cono, apela, osan ne’ebé Governu oferese uza ba nesesidade família, labele utiliza ba lia.

“Husu atu utiliza orsamentu ne’e, liu-liu ba ai-han, medikamentu ka ai-moruk atu trata sira-nia vida nary halo netik mudansa jestaun iha uma laran, bele mós hadi’a sira-nia uma liuhusi orsamentu ne’ebé mak Governu oferese kada fulan tolu, labele utiliza osan ne’e ba fali lia kulturál, maibé haluha atu hadi’a saúde, ne’e importante, tanba Governu fó ajuda ne’e ba sira, tanba inan-aman sira laiha ona forsa atu buka osan nary labele kaer serbisu todan,” nia apela.

Notísia relevante: https://tatoli.tl/2025/04/14/mssi-apoia-nesesidade-bazika-ba-familia-vulneravel-no-ema-ho-defisiensia-200-iha-suni-ufe/

Entretantu, tuir oráriu, hafoin termina pagamentu iha sub-rejiaun Nítibe iha loron 24 Setembru 2025, ekipa kontinua fali iha sub-rejiaun Pássabe ba suku rua iha loron 25 to’o 27 Setembru, depois ba fali sub-rejiaun Oésilo ba suku tolu iha loron 28 to’o 01 Outubru 2025, nary pagamentu ikusliu iha sub-rejiaun Pante Makasar ba suku 10 iha loron 02 to’o 13 Outubru 2025.

 Jornalista: Abílio Elo Nini

Editór: Rafael Ximenes de A. Belo