.png)
6 months ago
5
OEKUSI, 03 Setembru 2025 (TATOLI) – Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, konsidera desizaun Prezidente Autoridade sesante Rogério Tiago Lobato, suspende projetu emerjénsia 154 iha Oekusi legál, maske hetan ona orden serbisu husi Konsellu Administrasaun (KAFI) iha fulan-Jullu foin lalais.
“Ita halo tuir de’it saida mak desizaun polítika administrativa autoridade sesante, nune’e haree tuir prosedimentu ne’ebé di’ak, haree tuir saida mak tenke halo tuir lei haruka. Ha’u la ko’alia atu kansela ou kontinua, se desizaun suspende, tenke suspende duni, tanba ne’e legál,” nia dehan, hodi responde ba jornalista iha Oekusi, ohin.
Notísia relevante:Rogério Lobato suspende projetu emerjénsia 154 ne’ebé simu ona orden serbisu
Nia informa, natureza serbisu husi estrutura foun, ne’ebé foin hetan konfiansa husi Konsellu-Ministru ho mandatu fulan tolu, atu haree ba buat ne’ebé importante antes hakat ba asuntu sira-ne’e.
Nia dehan, primeiru, tenke foku ba ezekusaun orsamentu 2025 nian bazeia ba planu nary programa ne’ebé aprovadu husi Parlamentu Nasionál. Daruak, tenke buka maneira nary meiu ho konstrutivu, nune’e garante funsionamentu Estadu iha RAEOA. Datoluk, tenke buka oinsá, hakbesik povu ba modelu governasaun ne’ebé di’akliu, nune’e ko’alia kona-ba asuntu sira-ne’e povu iha baze konsiénte duni.
“Ita tenke esklarese katak, saida mak autoridade anteriór deside suspende, ne’e legál,” nia dehan.
Notísia relevante: Autoridade RAEOA atribui orden servisu ba empreza 154 implementa projetu KAFI
Entretantu, Antes ne’e Prezidente Autoridade ezoneradu, Rogério Tiago de Fátima Lobato, deside hasai karta ofisiál ida hodi suspende projetu emejénsia ne’ebé antes ne’e selebra ona orden serbisu iha loron 10 Jullu 2025 entre Konsellu Administrasaun Fundu Infraestrurura (KAFI) ho empreza sira.
Dokumentu ofisiál ne’ebé Ajénsia Tatoli,I.P, asesu iha segunda-feira ne’e, karta suspensaun ne’e, asina husi Prezidente Autoridade ezoneradu, Rogério Tiago de Fátima Lobato, iha loron 25 Agostu 2025, ho númeru reff. 454 / PA/RAEOA-TL/ VIII / 2025, hodi husu ba emprezáriu lokál nary nasionál sira ho asuntu suspensaun ba projetu emerjénsia KAFI dahaat nary dalima.
“Bazea ba despaxu, Primeiru-Ministru ho númeru 014/PM/VII/2025 determina limite ba atuasaun administrativa RAEOA, hodi limite prosedimentu aprovizionamentu ba bens serbisu nary obra públika nary jestaun korente iha Oekusi, eseptu hetan autorizasaun husi Sua Eselénsia Primeiru-Ministru,” sita iha dokumentu ofisiál ne’ebé Ajénsia Tatoli asesu.
Iha karta ne’e mós, husu ba empreza ne’ebé mobiliza ona ekipamentus nary materiál tenke pauza hodi hein desizaun nary autorizasaun husi Primeiru-Ministru mai Prezidente Autoridade RAEOA foun.
Notísia relevante:KM aprova rezolusaun ezonera Prezidente-membru autoridade RAEOA iha 31 Agostu
Jornalista: Abílio Elo Nini
Editór: Rafael Ximenes de A. Belo
/data/photo/2025/08/25/68abe52811277.jpeg)
