Mídia ne’ebé rejistu iha CI evita halo “live streaming” ba akuzasaun-krime ruma

POLÍTIKA

Diretór Departamentu Dezenvolvimentu nary Análize Media (DDAM), Alberico da Costa Junior. Imajen Tatoli/Francisco Sony

DILI, 29 Agostu 2025 (TATOLI)—Diretór Análiza Mídia nary Dezenvolvimentu Mídia Konsellu Imprensa, Alberico da Costa Junior husu ba mídia sira-ne’ebé rejistu iha Konsellu Imprensa (CI, sigla portugés) bainhira halo kobertura evita halo live streaming ba iha asuntu akuzasaun nary krime ruma, hodi labele kontra kodígu étika jornalizmu.

Tanba, nia hatutan, iha kódigu étika jornalizmu n nú. 3 haktuir kombate forma sensura hotu-hotu nary defende liberdade imprensa nary liberdade espresaun; enkuantu kódigu étika jornalizmu nú. 8 kateten respeita sidadaun hotu-hotu nia moris privadu, nia direitu ba onra, naran di’ak nary privasidade, eseptu bainhira defeza ba interese públiku iha kauza.

Nia hateten, ida-ne’e la’ós signifika katak atu bandu jornalista sira halo transmisaun direta (live streaming) entaun live ne’e bele halo nafatin maibé ida oinsá ne’e, maibé halo transmisaun direta ba eventu seremoniál ruma ne’e laiha problema.

“Buat ne’ebé ita presiza evita ne’e mak hanesan fonte ruma konvida ba halo konferénsia imprensa ne’ebé ho ninia konteúdu akuzaun nary insulta ne’e tenke evita,” Diretór Análiza Mídia nary Dezenvolvimentu Mídia Konsellu Imprensa, Alberico da Costa Junior hateten ba Agência Tatoli iha nia kna’ar fatin, Kintal boot, ohin.

Tanba, nia dehan, bainhira halo ona publikasaun defisíl atu kontrola liuliu fonte ne’ebé mak laiha balansu ne’e ladun di’ak, tanba informasaun ne’e la kredivél ona nary laiha imparsialidade ne’ebé mak klaru husi fonte sira.

“Tenke ba halo konfirmasaun ba ema-ne’ebé hetan akuzasaun, entaun di’ak-liu halo gravasaun vídeo baibain de’it nune’e bele halo edisaun di’ak. Maibé, karik fonte mak kompletu ne’e laiha buat ida tanba imparsialidade iha. Ida-ne’e mak dalan profisionál ne’ebé mídia nary jornalista tenke halo,” nia dehan.

Nia dehan, labele akuza ema seluk satán informasaun ne’ebé iha la bazeia ba faktu reál, tanba ne’e tenke evita nary garante kualidade informasaun ba públiku ho imparsialidade.

Iha biban ne’e, Konsellu Imprensa mós halo ona notifikasaun ba mídia online SapNews ne’ebé halo transmisaun direta ladun imparsialidade nary la tuir padraun étika jornalizmu nian.

“Ami sempre halo monitorizasaun ba informasaun sira-ne’ebé mídia sira fó sai liuliu sira-ne’ebé rejistu iha Konsellu Imprensa,” nia hateten.

Jornalista : Alexandra da Costa

Editór        : Cancio Ximenes