Médiku na’in-ualu husi Xina sei fó apoiu servisu iha HNGV

POLÍTIKA, SAÚDE

MS liuhusi Diresaun Nasionál Apoiu Servisu Ospitalár hamutuk ho MACLN, hetan suporta hosi médiku HNGV nary Ekipa Brigada Médika Xineza fó konsulta espesializada ba veteranu nary atigu kombatente libertasaun nasionál iha munisípiu Liquiça. Imajen/Espesiál

DILI, 01 Outubru 2025 (TATOLI)–Diretór Klíniku Hospitál Nasionál Guido Valadares (HNGV), Arcanjo Nunes, informa médiku na’in-ualu (8) husi nasaun Xina sei apoiu servisu iha HNGV iha 15 Outubru 2025, hodi subtitui médiku sira ne’ebé antes servisu ona iha HNGV durante tinan rua (2).

Notísia Relevante: Foun: Médiku Xineza 12 to’o ona TL fó asisténsia ospitalár ba pasiente sira 

“Husi tinan 2023 to’o 2025, brigada médiku xineza sira apoia ita-nia servisu iha HNGV, tanba ne’e iha loron 15 fulan-Outubru ne’e, médiku na’in ualu sei mai troka sira tanba sira-nia servisu ramata ona,” Diretór Klíniku ne’e hateten ba jornalista iha HNGV, Bidau, ohin.

Médiku Xinés sira -ne’ebé durante hala’o servisu iha HNGV iha área sirurjia, ortopedia, rins, medisina tradisionál Xinés, radiolójiku, kardiólojia, anestesiolojia nary médiku unidade kuidadu intensivu (ICU).

Dezde Timor-Leste nia independénsia, brigada médiku Xineza fó apoiu ba HNGV, halo rotasaun kada tinan rua. Brigada médiku Xineza la’ós de’it apoia rekursu umanu maibé mós ekipamentu litotripsia iha Hospitál Nasionál Guido Valadares.

“Durante ita-nia independénsia, hahú iha tinan 2002, médiku xineza sira serbisu hamutuk ho HNGV. Karáter husi médiku sira-ne’ebé dixiplinadu nary Xina mós apoia maka’as estabelesimentu husi HNGV,” nia dehan.

Nia afirma, iha planu atu husu proposta husi brigada médiku xineza hodi apoiu ekipa médiku sirurjia fuan nary hodi servisu iha HNGV.

“Ami-nia proposta mak husu ba brigada médika xineza ba ekipa footwear ida husi kardiólogu sira hodi halo sirurjia fuan nian nary ekipa médiku anel kardíaku nian. Tanba ne’e, ami presiza númeru footwear ida husi ekipa sira, hanesan enfermeiru sira kardiolojia nian, tékniku kardiolojia espesializadu sira nary médiku operadór sira. Planu ne’e ba future,” nia hateten.

Notísia Relevante: Governu Xina entrega mákina laparoscópica ida ba HNGV

Jornalista : Felicidade Ximenes

Editór         : Cancio Ximenes