Matebian Sebastião Belo sei haloot iha 03 Setembru iha Lakuliu-Kelikai

SAÚDE

Matebian Sebastião Belo. Imajen/Espesiál.

DILI, 01 Setembru 2025 (TATOLI)—Forensiku Hospitál Nasionál Guido Valadares (HNGV), segunda ne’e, konklui ona halo autopsia ba matebian Sebastião Belo ne’ebé mate tanba hetan sona husi nia subrinu ne’e, hodi entrega hikas mate-isin ba família atu halo prosesu fúnebre.

Notísia Relevante: PNTL Baucau rejista ona kazu hamate Sebastião Belo ba Ministériu Públiku

Familia matebian, João Moreira, hateten la espera ho akontesementu ne’e maibé ne’e planu maromak nian, tanba ne’e husu ba nia kolega sira katak matebian Sebastiao Belo sei haloot iha kuarta (03 Setembru 2025), iha Aldeia Lakudala, Suku Lakuliu, Postu Admistrativu Kleikai, Munisípiu Baukau.

“Husu ba matebian nia kolega sira hakarak ba partisipa serimonia ne’e karik dalan nakloke no bele ba,” João Moreira esplika.

Entertantu, durante ne’e maatebian sei moris ajuda ona timoroan barak ba buka moris iha ema nia rainfall liuliu ajuda trata dokumentu visa viajen nian.

Matebian husik hela feen ho oan na’in tolu ne’ebé mak sei idade kiik-oan. Matebian moris iha 19 fulanDezembru 1986. Matebian husi Aldeia Lakudala, Suku Lakuliu, Postu Administrativu Kelikai, Munisípiu Baukau.

Matebian Sebastião Belo mate iha sábadu (30 Agostu 2025) iha Rumah Sangat Sederhana, Blok I, iha Bairru Gisupa, Baucau Villa Nova, Postu Administrativu Baucau Vila, Munisípiu Baucau, tanba hetan oho husi nia subriñu ida tanba problema partikulár.

Iha akontesimentu ne’e matebian transporta mai kedas iha Mortuáriu HNGV, atu bele submete ba prosesu halo autopsia maibé iha loron sábadu-domingu, karta notifikasaun husi Ministériu Públiku seidauk ba, entaun labele halo autopsia.

Kazu ne’e akontese purvolta tuku 09h00 dadeer, ne’ebé komete husi suspeitu na’in-rua ho insiál JP nary RP ne’ebé rezulta vítima Sebastião Belo lakon vida hafoin hetan kanek iha fuan. Deskonfia kauza husi problema uma-laran nune’e antes akontese sona malu mosu agresaun fízika entre vítima nary suspeitu na’in-rua hodi rezulta vítima lakon vida nary suspeitu JB kanek iha parte kabun.

Tanba ne’e, iha segunda (01 Setembru 2025) dadeer ne’e mak simu karta notifikasaun hodi autoriza médiku forensic sira halo autopsia ba matebian Sebastião Belo, ne’ebé hahú autopsia iha tuku 09h00 dadeer nary aemata iha tuku 12h00, nune’e ekipa forensik entrega matebian ba nia família hodi prosesu ba fúnebre nian.

Jornalista : Felicidade Ximenes

Editór       : Cancio Ximenes