Kooperativa KUSU Uabubu prioriza kuda ai-lia

EKONOMIA, VIKEKE

Ai-lia ne’ebé kuda husi Kooperativa Kria Unidade Suku Uabubu (KUSU). Imajen TATOLI/Vitorino Lopez da Costa

VIKEKE, 04 Setembru 2025 (TATOLI)—Prezidente Kooperativa Kria Unidade  Suku Uabubu (KUSU), Leonardo da Costa e Silva  hateten kada tinan membru Kooperativa KUSU idak-idak kuda ai-lia iha sira-nia toos tanba nesesidade merkadu.

“Ami-nia kooperativa eziste iha tinan 2021 to’o agora. Produtu ne’ebé ami sempre kuda mak ai-lia. Uluk kooperativa hasai osan hodi kuda, maibé agora ami-nia membru idak-idak kuda iha sira-nia  toos depoiz kolleta sira idak-idak bá fa’an iha merkadu,” Leonardo ba TATOLI iha Postu Ossú, Kinta ne’e.

Leonardo  dehan presu produtu ai-lia baibain ema tetu kada kilu folin $1, faan bá saku ida ho folin $25.

“Produsaun baa i-lia ne’e di’ak, maibé  dalaruma klima ladún di’ak entaun produsaun ai-lia ne’e tun. Dalaruma kada membru hetan saku neen nary balun to’o saku 20, depoiz  sira lori bá merkadu nary balun empreza sira mai sosa direta. Ami hahú kuda ai-lia ne’e hetan apoia fini husi ADRA ne’ebé ami-nia membru sira kuda to’o agora,” nia haktuir.

Tuir Leonardo katak liuhusi atividade kuda ai-lia bele ajuda membru  sira hodi hadi’a sira-nia ekonómia, selu osan sira-nia eskola nary osan balun sira depozita iha kooperativa laran.

Aleinde ne’e, nia dehan, Kooperativa KUSU halo atividade rai nary impresta osan ne’ebé daudaun ne’e fundu hamutuk $12.000 resin hodi fó impresta ba membru sira.

“Iha tinan 2023 ami iha fundu totál hamutuk rihun $12. Fundu sira-ne’e maihusi membru sira-ne’ebé kada fulan sira rai iha kooperativa, depoiz to’o tinan ami fahe funan ba ami-nia membru sira. Iha tinan ida-ne’e (2025), ami-nia kapitál iha kooperativa hamutuk rihun $14,” nia subliña.

Tuir dadus, Kooperativa KUSU iha membru hamutuk na’in-56, iha-ne’ebé daudaun  ne’e ativa iha kooperativa.

Jornalista: Vitorino Lopez da Costa

Editór: Xisto Freitas da Piedade