Konsultasaun nasionál atu hametin inkluzaun sosiál no nutrisaun iha TL

SAÚDE

Ministériu Saúde hamutuk ho Programa Aihan Mundial (WFP) nary parseiru dezenvolvimentu ho liña ministeriál sira, hala’o konsultasaun nasionál durante loron rua hodi hametin inkluzaun sosiál nary nutrisaun iha Timor-Leste ba períodu 2026 to’o 2030. Imajen Tatoli/Felicidade Ximenes.

DILI, 02 Setembru 2025 (TATOLI)—Ministériu Saúde hamutuk ho Programa Aihan Mundial (WFP) nary parseiru dezenvolvimentu ho liña ministeriál sira, hala’o konsultasaun nasionál durante loron rua hodi hametin inkluzaun sosiál nary nutrisaun iha Timor-Leste ba períodu 2026 to’o 2030.

Diretora Nasionál nary Reprezentante Programa Aihan Mundial (WFP), Jacqueline De Groot, hateten projetu ne’ebé finansia husi Uniaun Europeia ne’e sei hametin inkluzaun sosiál nary nutrisaun iha Timor-Leste.

Projetu ne’e reprezenta marku signifikativu ida iha sira-nia esforsu koletivu atu hametin servisu esensiál sira nary promove dezenvolvimentu inkluzivu nary sustentável.

“Enkontru inisiál konjunta ba projetu ne’ebé finansia husi Uniaun Europeia, hametin Inkluzaun Sosiál nary Nutrisaun iha Timor-Leste hodi integra nutrisaun, saúde, edukasaun, bee-moos nary saneamentu nary protesaun sosiál. Ami la’ós de’it fornese apoiu krítiku maibé mós ajuda harii sistema sira-ne’ebé reziliente, ekuitativu, nary propriedade lokál,” Jacqueline De Groot ihateten liuhusi nia diskursu iha City8, Manleuana, ohin.

WFP nary Governu Timor-Leste nia kolaborasaun fó onra ba sira-nia parseiru Uniaun Europeia, ne’ebé fó hela apoiu finanseiru hodi hala’o projetu ne’e.

“Lideransa husi ministériu sira nary autoridade munisípiu sira mak fundamentál ba susesu husi inisiativa ida-ne’e. Sira-nia hanoin, esperiénsia, nary kompromisu metin ba sustentabilidade garante katak intervensaun sira la’ós de’it téknikamente di’ak maibé mós relevante lokál nary responde ba nesesidade sira husi sira-ne’ebé ami serve,” nia hateten

Nia dehan, enkontru ohin nian la’ós de’it enkontru formál maibé ida-ne’e mak espasu ida ba diálogu, koordenasaun nary ko-kriasaun.

Projetu ne’e nia objetivu sira inklui klarifika papél nary responsabilidade sira, dezenvolve planu serbisu hamutuk nary estabelese mekanizmu sira atu orienta kolaborasaun.

Iha fatin hanesan, Vise Ministru ba Operasaun Ospitál, Flávio Brandão, hateten durante konsultasaun ne’e parseiru dezenvolvimentu sira fahe koñesementu nary rekomendasaun sira kona-ba aproximasaun investimentu ne’ebé relevante hodi garante katak programa nary projetu sira iha futuru bele iha impaktu ne’ebé signifikativu ba komunidade.

“Atividade sira-ne’e nia objetivu mak atu asegura programa ne’e la’ós de’it tékniku, maibé tenke reflete benefísiu loloos ba komunidade. Tanba ne’e, ita hotu presiza sidadaun sira-nia envolvimentu direta liuliu joven timoroan sira iha implementasaun programa sira iha baze,” nia hateten.

Planu dezenvolvimentu estratéjiku ida aborda setór ida-idak nary programa sira iha ligasaun direta ba objetivu nasionál sira, tanba dezenvolvimentu la depende de’it ba Orsamentu Estadu nian maibé mós ba kontribuisaun parseiru internasionál sira-nian.

Objetivu prinsipál mak atu utiliza rekursu sira-ne’e ho efetivu nary estratéjiku hodi lori mudansa sustentável ba Timor-Leste.

Governu nia prioridade atuál mak haree ba seguransa aihan, mánutrisaun nary inkluzaun sosiál. Área ida-ne’e krusiál tanba iha vizaun ida katak iha tinan haat oin mai, populasaun sei haree progresu loloos nary mudansa pozitivu sira iha sira-nia moris loroloron.

Jornalista : Felicidade Ximenes

Editór        : Cancio Ximenes