Komunidade Bene-Ufe rekomenda hadi’a lutu no apoia profesór ba EBF Bítila

OEKUSI, 16 Outubru 2025 (TATOLI) – Komunidade sira iha aldeia Manan suku Bene-Ufe sub-rejiaun Nítibe rekomenda ba Autoridade Rejiaun Administrativa Espesiál Oekusi Ambeno (RAEOA) atu apoia halo lutu nary aumenta profesór ba iha Eskola Bázika Filiál (EBF) Bítila.

António Neno Salu, nu’udar abitante aldeia Manán, rekomenda ho razaun eskola referida foin harii iha tinan hirak kotuk, maibé lutu seidauk konstrui nary sei kontinua menus profesór.

“Ami-nia eskola ne’e foun. Ami-nia lutu ita observa rasik laiha kondisaun di’ak, depois aumenta profesór, tanba ne’e ha’u rekomenda, ba futuru bele hadi’a netik ami-nia lutu. Durante ne’e, ami nu’udar inan-aman, kontribui maibé ami-nia forsa to’o ne’e de’it, dalaruma animál estraga, entaun ai-oan ne’ebé ami kuda ona hetan estragu totál husi animál. Kona-ba profesór, ami rekoñese tanba ne’e eskola foun, entaun presiza mós tau matan iha futuru atu aumenta profesór,” nia hateten iha iha EBF Bítila, foin lalais ne’e.

Iha fatin hanesan, Profesór EBF Bítila, Aigelio Toma’e, relata totál estudante iha EFB Bítila hamutuk na’in-102 ho profesór na’in-lima nary Guarda ida.

“Ne’ebé seidauk sufisiente, tanba foin daudaun ami-nia profesór feto mós hakotu iis, entaun agora menus,” nia rekomenda.

Notísia relevante:Komandu F-FDTL apoia materiál desportiva ho livru istória ba EBF Bítila

Hatan ba rekomendasaun sira-ne’e, Prezidente Autoridade RAEOA, rekoñese, katak eskola barak iha Oekusi kondisaun seidauk seguru liu-liu lutu nary menus profesór.

“Tanba ne’e, nu’udar Governu iha Autoridade RAEOA, konsidera rekomendasaun sira-ne’e presiza tau atensaun iha futuru. Ita sei rezolve fazeadamente, tinan ida rezolve balun nary tinan sira tuirmai ita rezolve tan, tanba presiza rezolve problema seluk hanesan estrada, bee-moos nary asuntu seluktan,” nia hateten.

Jornalista: Abílio Elo Nini

Editór: Rafael Ximenes de A. Belo