KKM Vikeke aprova planu prioridade PDM ba tinan lima

MUNISÍPIU, VIKEKE

Prezidente Autoridade Munisípiu Vikeke, Francisco C.S de Gonzaga Soares. Imajen Vitorino Lopes da Costa

VIKEKE, 15 Setembru  2025 (TATOLI) – Liuhusi Sorumutu Extraordináriu husi Konsellu Konsultivu Munisipál Vikeke (KKM) halo ona aprovasaun ba proposta prioridade Planu Dezenvolvimentu Munisipál (PDM) Munisípiu Vikeke nian ba tinan 2026-2030.

Iha prosesu aprovasaun proposta PDM liuhusi plenária KKM Vikeke, ne’ebé hetan partisipasaun husi membru KKM hamutuk na’in-49 hosi totál membru 59, nary na’in-10 mak la partisipa.  Iha sesaun votasaun ba proposta ne’e, vota afavór 48, abstensaun zero (0) nary vota kontra ida (1).

Prezidente KKM nary Atuál Prezidente Autoridade Munisípiu Vikeke, Francisco C.S de Gonzaga Soares, haktuir proposta esbosu prelimináriu PDM ba tinan 2026-2030, ne’ebé aprezenta husi Autoridade Munisipál Vikeke (AMV) pasa ona iha enkontru Konsellu Konsultivu Munisipál.

Bazeia ba Dekretu-Lei Nú. 84/2023, iha 23 Novembru, artigu 42, 5ª alterasaun husi DL Nú. 3/2016 iha 16 Marsu, Autoridade Munisipál Vikeke.

“Enkontru extraordináriu KKM nu’udar órgaun konsultativu husi Administrasaun Munisipál ka Autoridade Munisipál, atu ita  haree ba dezenvolvimentu ne’ebé mak sei la’o iha Munisípiu Vikeke, hodi prepara kondisaun ba planu dezenvolvimentu munisipál ba desentralizasaun nary podér lokál,”   Francisco C.S de Gonzaga Soares, hateten iha enkontru KKM Vikeke, segunda ne’e.

PAM Vikeke hatutan, PDM ne’e sai hanesan mehi ida ba dezenvolvimentu iha Munisípiu Vikeke. Tanba ne’e, liuhusi sorumutu ne’e hodi aprova ba planu tinan lima nian.

“Ha’u agradese distintu membru KKM sira-ne’ebé fó ona  votu apresiasaun ho proposta sira-ne’ebé konstrutivu ba Planu Dezenvolvimentu Munisipál, nu’udar faze preparasaun ne’ebé hatudu katak Vikeke  prontu hodi hakat ba desentralizasaun nary podér lokál,” nia dehan.

Autoridade munisipál ne’e dehan, PDM prodús ona planu dezenvolvimentu ne’ebé sai nu’udar matadalan estratéjiku ba governasaun lokál hodi deside planu nary prioridade  pilár haat (4), hanesan enkuadramentu instituisionál, dezenvolvimentu ekonomia, sosiál nary infraestrutura. Inklui sub-pilár ne’ebé benefísia direta ba populasaun sira iha Munisípiu Vikeke.

Iha fatin hanesan, Membru KKM reprezenta Sosiedade Sívil, Augusto Pinto agradese autoridade nary ekipa PDM ne’ebé bele elebora matadalan planu prioridade Munisípiu Vikeke ba tinan lima.

“Ha’u husu agradese ba autoridade nary ekipa PDM ne’ebé elabora ona ita-nia planu prioridade Munisípiu Vikeke nian, ne’ebé aprezenta iha KKM hodi halo diskusun ba PDM, atu bele hetan dezenvolvimentu sustentavel ne’ebé di’ak ba futuru,” nia akresenta.

Enkontru KKM ne’e kompostu husi Prezidente Autoridade Munisípiu, Sekretáriu Munisipál, Xefe Suku, Reprezentante antigu kombatente, setór privadu, Grupu Intelektuál, Juventude, Konfisaun Relijiozu sira, Organizasaun Feto nary Reprezentante Partidu Polítiku asentu Parlamentár.

Jornalista : Vitorino Lopes da Costa

Editór: Rafael Ximenes de A. Belo