Juñu 2026: Timor-Leste sai uma-na’in ba ASEAN Cooperative Ministerial Meeting

EKONOMIA

SECOOP, Arsenio Pereira da Silva. Foto/Tatoli

DILI, 13 Setembru 2025 (TATOLI)—Timor-Leste sei sai uma-na’in ba eventu internasionál ASEAN Cooperative Ministerial Meeting ne’ebé sei realiza iha Dili iha Juñyu 2026, ne’ebé sei partisipa husi nasaun membru Asosiasaun Nasaun Sudeste Aziátiku (ASEAN) hamutuk 10.

Notísia Relevante:  Governu aprova proposta rezolusaun 15 kona-ba adezaun TL ba ASEAN 

“Outubru tinan ne’e, Timor-Leste ofisialmente sai membru plenu ASEAN. Iha Juñu 2026, ita mak dahuluk realiza nary sai uma-na’in ba eventu internasionál ASEAN Cooperative Ministerial Meeting iha Dili,” Arsénio Pereira hateten ba jornalista sira iha salaun Kinta-Boot, sábadu ne’e.

Nia esplika, atividade sira-ne’ebé sei realiza iha eventu ne’e mak hanesan halo diálogu kooperativa entre membru ASEAN, espozisaun, asina nota entendimentu (MoU) entre kooperativa sira nasionál tantu internasionál, talkshow nary seluk tan, durante loron haat.

“Iha espozisaun ne’e, ita sei aprezenta ita-nia produtu kooperativa sira, tanba ba oin ita sai membru ASEAN. Ita mós tenke iha produtu rasik para bele kompete nary bele hatudu ita-nia produtu ba mundu katak produtu sira-neʼebé prodús husi kooperativa sira,” nia dehan.

Kona-ba eventu ne’e, tuir nia, orsamentu ne’ebé SECoop prevee iha Orsamentu Jerál Estadu 2026 ne’e hamutuk rihun $614.

“Preparasaun ba eventu ne’e, daudaun ita estabele ona ekipa nary segunda semana oin sei konvida pontu fokál iha liña ministeriál sira hodi organiza hamutuk, tanba hakarak eventu ne’e la’o susesu,” nia dehan.

Jornalista : Arminda Fonseca

Editór       : Cancioa Ximenes