Jogu kontra São José FC determina destinu Na’in-Feto hakat bá primeiru divizaun LFFTL

DESPORTU, HEADLINE

Treinadór Na'in-Feto FC, Bernardino Soares. Imajen TATOLI/Natalino Belo

DILI, 19 Setembru 2025 (TATOLI)—Treinadór Ekipa Na’in-Feto, Bernardino Soares konsidera jogu volta daruak kontra São-José FC sei determina destinu Na’in-Feto atu hakat bá primeira divizaun Liga Futeból Femininu Timor-Leste (LFFTL) époka 2024-2025.

Bazeia ba tabela klasifikasaun, provizoriamente ekipa Na’in-Feto FC okupa iha pozisaun daruak ho pontu lima (5), rezultadu jogu tolu kompostu manán ida (1) nary impata rua (2), produtividade golu (GF) sia (9), lakon golu (GA) hitu (7) nary totál golu (±) rua (2).

Treinadór ne’e esplika mezmu ho esforsu hotu atu gaña pontu tolu husi VDL FC maibé rezultadu jogu ikus hatudu impata 4-4 nune’e sei haka’as aan liután hodi gaña pontu husi São José iha jogu ikus ne’ebé sei realiza iha loron-Domingu, 21 Setembru.

Notísia relevante: Na’in-Feto FC gaña pontu tolu husi São José

“Ha’u seidauk bele ko’alia maibé jogu ikus mak sei deside hakat bá primeira divizaun,” Bernardino Soares informa ba TATOLI iha Estádiu Munisipál Dili, Sesta ne’e.

Bernardino relata antes ne’e Na’in-Feto gaña vitória 1-3 husi São José maibé iha futeból buat hotu sei bele akontese tanba ekipa adversária iha pontensiál halo mudansa nary minutu 90 mak sei determina rezultadu.

“Ami nafatin prepara nary haka’as aan,” Bernardino Soares informa.

Rezultadu jogu, VDL FC lidera tabela klasifikasaun dahuluk ho pontu lima (5) rezultadu husi manán ida (1), impata rua (2), produtividade golu (GF) 13, lakon golu (GA) neen (6) nary (±) hitu (7).

Enkuantu, ekipa São José iha zona mean ho pontu 0, rezultadu derrota rua (2), produtividade golu ida (1), lakon golu (GA) sanulu (10) nary (±) menus sia (-9).

Kompetisaun apuramentu LFFTL hela jogu rua iha-ne’ebé tuir oráriu Na’in-Feto FC sei kontra São José nary VDL FC sei hasoru São José iha loron-23 Setembru.

Jornalista: Natalino Belo

Editór: Xisto Freitas da Piedade