Janeiru-Julllu: Sentru Saúde Aileu rejista pasiente IRA hamutuk 45.433

SAÚDE

infesaun vias respiratóriu aguda (IRA). Ilustrasaun/Google

DILI, 01 Setembru 2025 (TATOLI)—Diretór Servisu Saúde Munisípiu Aileu, Domingos Deus hateten Janeiru mai to’o iha Jullu ne’e rejista moras ne’ebé aasi liu mak moras Infesaun Vias Respiratóriu Aguda (IRA) hamutuk 45.433, diáreia hamutuk 2.241 nary mós moras kulit hamutuk 649.

“Provizóriu iha tinan 2025, Janeiru mai to’o iha Jullu ne’e, ita rejista hela kazu ka moras ne’ebé mak aas mak nafatin IRA, tuir mak diáreia ho moras kulit sira, kuaze ISPA ne’e hamutuk 45.433, diária iha 2.241 nary ba moras kulit hamutuk 649 ne’e mak ass iha Munisípiu Aileu,” Domingos Deus informa ba Agência Tatoli liuhusi telefónika, ohin.

Nia relata, moras ne’ebé rejistu aas maibé ekipa saúde kontinua hala’o sensibilizasaun nary halo  nafatin promosaun nary edukasaun saúde ba eskola sira atu nune’e bele prevene an, la’os atu haree de’it ba moras Covid-19 sira mak uza maskára nary fase lima sira maibé moris sira-ne’e hotu hada’et ne’e mai husi rai-rahun.

“Tanba ne’e, ami iha ne’e, ami-nia nafatin halo esforsu atu hasa’e númeru formasaun sira ba iha fasilidade sira hotu-hotu, nary orientá ba Profisionál saúde sira hahú husi postu tratamentu mai to’o sentru saúde sira atu bele nafatin halo edukasaun promosaun saúde ba komunidade sira, liuliu atividade vizita kada uma kain,” nia esplika.

Nia informa, ba iha pakote Intregadu Saúde hodi hasa’e nafatin maluk sira-ne’ebé mak seidauk iha koñesementu liuliu iha moras sira.

“Nune’e sira mós bele komprende nary halo tuir ba iha saida mak Pesoál saúde sira ko’alia ba, “nia dehan.

Rejista pasiente dengue na’in-haat

Aleinde ne’e, nia informa, Sentru Saúde Aileu rejista mós pasiente dengue hamutuk na’in-haat (4) nary mate laiha.

“Dengue ita iha tinan 2025 rejista kazu haat, maibé ita halo prevensaun nary husi ida-ne’e mak to’o agora ita la rejistu ona. Kazu haat ne’e akontese iha fulan Janeiru 2025 ne’e nary ita relata ona ba iha Ministériu Saúde,” nia hateten.

Nia hateten, kazu haat ne’e rejista hahú iha inisiu fulan-Janeiru maibé to’o agora Servisu Saúde Munisípiu Aileu la rejista ona kazu dengue.

“Husi ne’e mai to’o até adata ita laiha tan kazu foun, ne’ebé sira na’in-haat ne’e na’in ida husi Postu Administrativu Laulara, na’in ida husi Postu Administrativu Remexio nary na’in rua husi Postu Administrativu Aileu Vila,” nia esplika.

Nia relata, estoke ai-moruk ne’ebé mak atu halo prevensaun hanesan fumigasaun nary abate sira daudaun ne’e iha Servisu Saúde Munisípiu Aileu sufisiente.

“Ita-nia estoke ba iha ekipamentu ba halo prevensaun ba moras dengue ne’e rasik, hanesan fogimasaun nary abate sira estoke sufisiente hela atu halo prevensaun ba dengue ne’e rasik,” nia  dehan.

Jornalista : Felicidade Ximenes

Editór       : Cancio Ximenes