Governu sei lansa projetu konstrusaun estrada Luak ba Betanu iha tempu-badak

EKONOMIA, MANUFAHI

Ministru Obras Públika, Samuel Marçal, hamutuk ho kompañia Starking inklui ekipa téknika Ministéria Obra Públika halo observasaun kondisaun estrada iha Luak nary Betanu, postu-administrativu Same, munisípiu Manufahi nian ne'ebé tuir planu Governu sei lansa iha tempu-badak. Imajen TATOLI/Alexandra da Costa

MANUFAHI, 06 Setembru 2025 (TATOLI) – Governu liuhusi Ministériu Obra Públika (MOP) iha tempu-badak sei lansa projetu konstrusaun estrada husi Luak ba Betanu  iha postu-administrativu Same,  munisípiu Manufahi ho distánsia kilómetru 10.

Nune’e, Ministru  Obra Públika Samuel Marçal, dehan ohin hala’o observasaun iha terrenu hodi haree kondisaun estrada nary preparasaun empreza nian atu implementa projetu referidu hodi bele garante kualidade tanba gasta osan ho montante boot.

Governante ne’e adianta, obra ne’e sei lansa direita husi Primeiru Ministru (PM), Kay Rala Xanana Gusmão.

“Sei  (lansa) iha semana oin, maibé depende ba Primeiru-Ministru nia tempu”, nia informa  ba jornalista sira iha fatin observasaun, Luak-Same, sábadu ne’e.

Autoridade governativa ne’e dehan, observasaun ne’e haree kurije mós dezeñu ne’ebé iha ona hodi garante implementasaun ho kualidade.

Ministru Samuel Marçal, espera obra ne’e bainhira implementa finaliza tuir tempu ne’ebé iha tanba agora tempu bailoron.

“Espera konstrusaun estrada nary drainajen ne’e , bele la’o ho di’ak nary finaliza, tanba ida-ne’e ita reabilita estrada ku’ak sira halo kaber”, nia espera.

Projetu konstrusaun ne’e  fahe ba pakote rua, kada ida kilómetru lima (5), ho orsamentu ba pakote ida miliaun $4 nary pakote seluk miliaun $3, nune’e hamutuk milliaun  $7,  projetu referidu ho durasaun kontratu  tinan ida ho balun ne’ebé responsabiliza husi empreza Starking.

Jornalista: Alexandra da Costa

Editór: Rafael Ximenes de A. Belo