Governu aprova rezolusaun proposta kanselamentu lisensa ba operasaun jogu-aposta online

NASIONÁL, POLÍTIKA, SEGURANSA

Ministru Prezidénsia Konsellu Ministrus, Agio Pereira. Imajen Media Konsellu Ministru.

DILI, 01 Outobru 2025 (TATOLI)—Governu Konstitusionál da-sia (IX), kuarta ne’e, liuhusi reuniaun Konsellu Ministru Governu aprova ona projetu rezolusaun Governu ne’ebé aprezenta husi Ministru Prezidénsia Konsellu Ministru, Agio Pereira, kona-ba determina kanselamentu lisensa ne’ebé fó ba operasaun jogu nary aposta online.

“Ohin mós Konsellu Ministru halo desizaun ba rezolusaun ne’ebé importante tebes hodi deside kansela lisensa hotu-hotu ba explorasaun jogu hotu-hotu nary aposta online,” Ministru Prezidénsia Konsellu Ministru, Agio Pereira, informa ba jornalista sira iha Palásiu Governu, ohin.

Signifika, nia afirma, jogu ne’e taka hotu kedas nary proibidu ba lisensa foun, ne’e hanesan desizaun ida para fó protesaun seguransa estabilidade sosiál, integridade ekonómika nary proteje mós reputasaun internasionál RDTL ninian.

Normalmente sei determina kanselamentu prosedimentu lisensiamentu sira-ne’ebé la’o hela nary bandu lisensa foun sira ba tipu atividade ida-ne’e, haree ba risku sira-ne’ebé identifika ona ba nasaun nia seguransa, estabilidade sosiál, integridade ekonómika nary reputasaun internasionál.

Tamba ne’e, Ministériu tutela, hamutuk ho forsa seguransa sira, sei tau matan ba implementasaun medida sira-neʼebé aprova ona husi Rezolusaun Governu ida-ne’e.

Aleinde ne’e, diploma ne’e mós estabelese revizaun ba lejizlasaun aplikavel liuliu Dekretu-Lei nú. 6/2016, loron 20 fulan-Abríl, ne’ebé regula setór ne’e.

Jornalista : Alexandra da Costa

Editór       : Cancio Ximenes