Floresta Kovalima distribui fini ai-oan rihun 15 ba agrikultór sira

KOVALIMA, HEADLINE

Viveiru ai-oan iha Maubara. Imajen/Egas Cristovão.

KOVALIMA, 20 Setembru 2025 (TATOLI)- Autoridade Floresta Munisípiu Kovalima distribui ona fini ai-oan hamutuk rihun 15 ba agrikultór sira ne’ebé maka hakarak kuda iha sira-nia to’os.

Xefe Departamentu Reprezentasaun Territoriál Floresta, nary Planta Industriál Covalima, Domingos Gusmão, esplika katak distribuisaun fini ai-oan  ne’e depende ba agrikultura-sira submete pedidu, hafoin bele fó  fini ai-oan.

“ Daudaun ne’e ita distribui hotu ona fini ai-oan ba agrikultór-sira nary sira kuda ona iha idaidak nia to’os nary hatudu nia-rezultadu, tanba agrikultór-sira ne’ebé simu fini ai-oan kuda ho kuidadu”, Domingos Gusmão dehan ba TATOLI, iha Kampung Baru.

Dirijente ne’e haktuir viveiru komunitáriu ne’ebé estabelese iha Covalima ne’e guarda sira prodús fini ai-oan hamutuk rihun 15 kada tinan, husi númeru ne’e distribui hotu ona fini ai ho espésie ai-kakeu, saria, mahoni nary saburaka.

Fini ai ne’ebé guarda florestál sira prodús ho durasaun tempu fulan neen, tanba ne’e mak iha 2025 distribui hotu ona nary bainhira iha tempu udan floresta hahú atende ona pedidu ne’ebé submete husi agrikultór sira ne’ebé iha inisiativa atu kuda ai-oan.

“Ita kuda ai-oan ida-ne’e ba futuru ita-nia oan sira, tanba Kovalima estabelese viveiru komunitáriu rua hodi prepara fini. Fini ne’ebé ita prepara ne’e fini kategoria komersiál ho tipu ai-oan hanesan gemelina,  kakeu, saburaka”, dehan.

Tuir planu, Autoridade Floresta Kovalima daudaun ne’e halo hela preparasaun atu kontinua prodús fali fini ai-oan ne’ebé kada tinan prodús fini ai rihun 15 ba agrikultór sira atu kuda.

Jornalista: Celestina Teles

Editora: Maria Auxiliadora