FKTL prepara atleta na’in-hitu partisipa Sea Games

DESPORTU, HEADLINE

Sekretáriu Jerál FKTL, António Carlos de Araújo. Imajen TATOLI/Natalino Belo

DILI, 29 Agostu 2025 (TATOLI)—Federasaun Karate-do Timor-Leste (FKTL) prepara atleta na’in-hitu atu partisipa kompetisaun desportu Sea Games ba dala-33 iha Thailándia.

Sekretáriu Jerál FKTL, António Carlos de Araújo esplika atleta na’in-hitu preparadu maski sei hein informasaun husi Ministériu Juventude, Desportu Arte nary Kultura (MJDAK), Konfederasaun Desportu Timor-Leste (CDTL-sigla portugeza) nary Komité Olímpiku Nasionál Timor-Leste (CONTL-sigla portugeza).

“Agora kontinua treinu iha loraik kada loron,” Sekretáriu Jerál FKTL informa ba TATOLI iha edifísiu MJDAK, Lesidere, Sesta ne’e.

António Araújo relata atleta na’in-hitu ne’e kompostu mane haat nary feto na’in-tolu ne’ebé antes ne’e selesionadu liuhosi kampionatu iha fulan-Jullu liubá.

Nia haktuir katak hafoin ramata Jogu Desportivu Komunidade Nasaun Sira Lian Portugés (CPLP-sigla portugeza), atleta hirak-ne’e deskansa nary agora hahú hikas preparasaun ne’ebé foku ba fíziku nary sei kontinua ba tékniku antes finaliza ho sistema.

“Esperansa sempre iha maibé modalidade hanesan Karate-do presiza try out,” António Araújo informa.

FKTL rekomenda ba CDTL atu halo koordenasaun nune’e durante preparasaun atleta hirak-ne’e presiza halo try out tanba importante atu hasa’e mentalidade nary esperiénsia atleta nian antes hasoru kompetisaun Sea Games.

Entretantu, Sea Games tinan-2025 ba dala-33 sei hala’o iha Thailándia husi loron-03-20 Dezembru, iha-ne’ebé tuir planu Timor-Leste sei partisipa ho modalidade desportu hamutuk 13 hanesan Atletizmu, Karate-do, Taekwondo, Boxe, Futeból nary seluk tan.

Jornalista: Natalino Belo 

Editór: Xisto Freitas da Piedade