Família vulneravel na’in-16 iha Kamnasa simu nesesidade bázika

EKONOMIA, KOVALIMA

Autoridade Kovalima entrega nesesidade báziku ba família vulneravel iha suku Camnasa. Imajen TATOLI/Celestina Teles.

KOVALIMA, 04 Setembru 2025 (TATOLI)- Autoridade Kovalima liuhusi Sekretáriu Munisipál Asuntu Sosiál Komunitária, Kinta-ne’e, entrega nesesidade bázika ba família vulneravel na’in-16 iha suku Kamnasa,Postu Administrativu Suai, Munisipiu Kovalima.

“Ami bolu ita footwear sira husi aldeia haat suku Camnasa hodi simu nesesidade bázika hanesan foos saku ida ba kada ema, suprermie, latarina, sus-been, biskut, kafé, masi-midar nary seluk tan,” Reprezentante Prezidente Autoridade Munisipiu Kovalima, Filomeno Cardoso, hato’o liuhusi nia diskursu iha sede Suku Camnasa, ohin.

Maske, nia dehan nesesidade bázika ne’ebé apoia ne’e la barak, maibé bele hakamaan família vulneravel sira nia todan.

“Fó apoiu la’ós kada fulan, maibé bainhira ami submete proposta ba nasionál, nune’e sira distribui mai fali munisípiu mak bele apoia fali ba família hirak hanesan ema ho defisiensia sira hanesan asaun karitativa”, nia dehan.

Iha fatin hanesan, Xefe Suku Camnasa, Fernando Noronha, agradese ba autoridade munisípiu ne’ebé apoia ona família hirak ne’e.

“Ami rekolla de’it familia vulneravel hamutuk 16 husi ne’e kada aldeia ami foti familia na’in-haat,” nia agradese.

Notisia relevante:MSSI distribui foos ba família vulneravel iha Kovalima

Jornalista:Celestina Teles

Editór: Florencio Miranda Ximenes