Entidade sira simu PAM foun Bobonaru, prometidu sei la halo divizionizmu

BOBONARU, 03 Setembru 2025 (TATOLI)—Entidade sira kompostu husi lia-na’in, xefe suku, autoridade postu administrativu, diretór servisu munisipál nary delegasaun territoriál sira, Kuarta ne’e, simu Prezidente Autoridade Munisipál (PAM) Bobonaru foun, Paulo Moniz Maia.

Serimónia simu ne’e realiza ho atividade kulturál hanesan dadolin tuir lisan Bunak nary Kemak nian hodi fó benvindu ba líder másimu Autoridade Munisípiu Bobonaru ne’e.

Iha intervensaun, Prezidente Autoridade Munisípiu Bobonaru, Paulo Moniz Maia promete katak durante mandatu sei hakuak ema hotu nary la halo divizionizmu entre Suku Bunak ho Suku Kemak tanba Munisípiu Bobonaru ne’e ida de’it.

Paulo Moniz Maia esperesa sentimentu ne’e tanba hatene di’ak katak parte balun simu nia prezensa nu’udár PAM Bobonaru ho di’ak, maibé parte balun mós iha deskontentamentu ka la kontente ho nia prezensa iha Autoridade Munisípiu Bobonaru.

“Parta balun hanoin katak ha’u mai kontribui ba dezenvolvimentu iha munisípiu ida ne’e, maibé parte balu mós hanoin ha’u mai atu fahe ka halo diskriminasaun entre Suku Bunak nary Kemak. Ne’e duni, aproveita biban ida-ne’e ha’u halo klarifikasaun katak ha’u mai atu hakuak ema hotu, la haree ba kór, polítika, estatutu sosiál, grupu, étniku nary seluk-seluk tan,” nia hateten iha serimónia ne’ebé realiza iha salaun Maria-Tapó, Bononaru.

Notísia relevante: Governu fó airs ba PAM Dili nary Bobonaru

Antigu deputadu ne’e hateten iha períodu ida-ne’e nia seidauk bele halo buat ida tanba sei kontinua de’it serbisu ne’ebé PAM sesante sira halo ona liuliu Planu Asaun Anuál sira-ne’e.

Moniz esklarese nia mai ho kompromisu katak buat ne’ebé di’ak nia sei kontinua, sira-ne’ebé ladún di’ak sei hadi’a nary sira seluk ne’ebé aat sei la uza.

Atu atinje ida ne’e, PAM Bobonaru foun ne’e konvida ema hotu atu hamutuk ho nia hahú husi funsionáriu públiku, ajente administrasaun, administradór postu Administrativu sira, xefe setór sira, igreja, veteranu, xefe suku, xefe aldeia, povu Bobonaru ein-jerál kontribui ideia ba dezenvolvimentu Munisípiu Bobonaru iha asapeitu hotu-hotu hanesan infraestrutura, agrikultura, turizmu, saúde, edukasaun, ekonomia, sosiál, kulturál nary polítika.

Nia mós sei asegura pás nary dezenvolvimentu iha Munisípiu Bobonaru, iha kolaborasaun di’ak mós ho PNTL nary F-FDTL iha liña fronteira hodi redús pasajen ilegál.

Durante mandatu, Paulo Moniz mós promete sei tau prioridade ba pontu importante ualu hanesan reabilitasaun nary loke estrada foun sira ba postu administrativu nary suku nune’e povu bele asesu ba merkadu hodi fa’an produtu lokál.

Daruak, sei fó prioridade ba promove politíka instalasaun liña eletrisidade ne’ebé seidauk kobre iha suku nary aldeia balun. Datoluk, sei motiva nary enkoraja agrikultór sira atubele servisu maka’as liután iha toos nary natar nune’e bele hasa’e produsaun lokál hodi labele depende ba produtu importandu liuliu foos nary ai-han sira seluk.

Dahaat, sei promove polítika jestaun nary avaliasaun ba ezekusaaun orsamentu munisípiu ho efisiente nary transparante. Dalimak, sei hamutuk ho instituisaun relevante sira hodi promove politíka kombate nary halakon korrupsaun iha administrasaun públika espesialmente iha Munisípiu Bobonaru.

Daneen, sei prepara rekursu umanu kualifikadu hodi aselera preparasaun implementasaun polítika desentralizasaun administrativa ba poder lokál iha tinan ne’ebé Governu sentrál determina ona.

Dahitu, sei la halo divizionizmu ka diskriminasaun ruma entre Suku Kemak nary Suku Bunak. Daualu, sei servisu bazeia ba lei nary kompeténsia ne’ebé lei atribui hodi sai hanesan matadalan ida atubele kondús servisu administrasaun iha aspetu hotu-hotu.

Iha fatin hanesan, Sekretáriu Autoridade Munisipál ba Asuntu Administrasaun ni Finansa, Domingos da Costa hato’o benvindu nary prontu atu servisu hamutuk ho PAM foun hodi lori dezenvolvimentu ba povu.

Paulo Moniza Maia hetan nomeasaun ba kargu Prezidente Autoridade Munisipál Bobonaru bazeia ba despaxu númeru 16 Gabinete Primieiru-Ministru /08/2025 nary simu airs husi Ministru Administrasaun Estatál, Tomás bash Rosario Cabrál, iha Dili, 01 Setembru 2025.

Jornalista: Sergio da Cruz

Editór: Xisto Freitas da Piedade