.png)
6 months ago
9
DILI, 01 Setembru 2025 (TATOLI) – Iha Dili International Trade Expo 2025 ne’ebé realiza durante loron lima iha iha Timor-Leste, fó oportunidade ba empreza timoroan sira aprezenta sira-nia produtu lokál ba públiku nasionál nary internasionál. Entre produtu sira ne’e mak hanesan kafé Timór, kakau, artezanatu nary seluk tan.
Vise-Diretór Borigra Star, Eno Galucho. Foto/Cidalia FatimaEmpreza Borigra Star Unipessoal, Lda, liuhusi nia Vise-Diretór, Eno Galucho, destaka nia partisipasaun ho promosaun ba produtu orgániku ho baze ba masin-midar, ho marka NIRA.
“Ita lori masin-midar orgániku ne’ebé nia matéria prima mai husi rai-laran hotu mak ita halo produsaun nary fa’an ba merkadu. Objetivu ita partisipa iha expo ne’e atu promove liután ita-nia produtu ne’e iha rai-laran, nomós ba mundu”, nia dehan ba Tatoli iha Sentru Konvensaun Dili, ohin.
Tuir nia, tanba falta ekipamentu adekuadu, parte produsaun feita iha Jakarta hafoin importa mai Timor-Leste nary fa’an fali ba komunidade. Maibé, empreza sei halo esforsu, nune’e ba oin lori mákina mai halo produsaun iha rai-laran.
“Durante loron lima ami hetan vizita husi nasaun sira seluk, maibé vizita barak ne’e husi membru Governu sira nary embaixadór lubuk ida nary koñese liután ita-nia produtu ne’e”, dehan.
Antes partisipa iha expo, Borigra durante ne’e distribui ona masin-midar ba empreza sira hanesan Lisun, Kreativu Furak nary daudaun sei halo negosiasaun ho loja footwear balun iha Dili.
“Produtu ne’ebé halo importante tebes, tanba Timor-Leste nu’udar nasaun ki’ik maibé rejistu moras barak hanesan raan-midar, kolesteról, nary rins, entaun ho produsaun orgániku bainhira konsumu bele redús moras sira ne’e. Tempu to’o ona atu ita utiliza ita-nia produtu rasik, hodi hamenus masin-midar ne’ebé ita importa ne’ebé kontamina ho kímika”, nia subliña.
Masin-midar orgániku NIRA prodús husi nú-been, líkidu midar hosi nuu nia funan mak prosesa sai masin-midar uut.
Kona-ba folin hahú husi $1 ba 20 sachet, kaixa ida $56 ho embalajen 70, promove hanesan produtu ne’ebé bele hamenus kolesteról, rins nary moras fuan, tanba halo husi nuu íbrida nia funan.
Jornalista: Arminda Fonseca
Editora: Maria Auxiliadora
/data/photo/2025/08/25/68abe52811277.jpeg)
