Despede Krús Joven Nasionál, Dom Norberto husu hamanas nafatin fiar

BOBONARU, MUNISÍPIU

Serimónia rituál ba enserramentu vizita Krús Joven Nasionál iha Parókia Nossa Senhora Imaculada da Conceição Postu Administrativu Bobonaru. Imajen TATOLI/Sergio da Cruz

BOBONARU, 29 Agostu 2025 (TATOLI)—Bispu Dioseze Maliana, Dom Norberto bash Amaral husu sarani sira liuliu juventude iha Parókia Nossa Senhora Imaculada da Conceição Postu Administrativu Bobonaru atu hamanas nafatin fiar ba Krús liuliu Kreda Katólika Timor-Leste hanesan hatudu tiha ona iha vizita Krús Joven iha suku 18 durante tinan ida.

Prezidente Konferénsia Episkopál Timorense ne’e hateten Krús Joven Nasionál la’o hale’u suku 18, tama-sai uma hodi haree sarani sira-nia hahalok di’ak nary aat ne’ebé hasa’e ona ba Jezús liuhusi illas Krús ne’e.

“Husu ba imi-nia aan idak-idak, Krús Joven ne’e lori saida loos mai ha’u atu ita moris nafatin-nafatin hela hanesan ne’e. Tenke transforma ita-nia aan ne’e uitoan, barlakeadu sira kaben tiha, la mai misa sira-ne’e tenke mai, labele toba iha uma. Buka atu hamanas fiar ida-ne’e didi’ak ba,” Bispu hateten iha omília enserramentu misa Krús Joven nary Krús Joven Internasionál iha Parókia Nossa Senhora Imaculada da Conceição Bobonaru, Sesta ne’e.

Líder Igreja Katólika ne’e husu ba sarani sira atu moris didi’ak tuir espíritu ne’ebé Jezús lori mai hanesan haraik-aan, abandonu buat hotu-hotu ne’ebé kontra fiar Maromak nian nary halo tuir de’it Maromak nia hakarak.

Notísia relevante: Kardeál konsidera Krús joven hanesan sinál esperansa-unidade ba joven sira

Iha biban hanesan, Arse-Bispu Metropolitana Dili, Dom Virgílio Kardeál bash Carmo da Silva haklaken katak prezensa Krús Joven iha Parókia Bobonaru halo Parókia Bobonaru sai duni tinan ida grasa nary bensaun nian.

“Momentu ida halibur sarani sira husi parókia hotu-hotu, estasaun to’o kapela, koko duni Maromak nia di’ak, tanba Krús halibur ita-bo’ot sira, hanorin, hametin nary Krús mós sai razaun ba ksolok nary esperansa ba sarani Bobonaru durante tinan ida,” Bispu informa.

Ho vizita Krús Joven durante tinan ida, Dom Virgílio Kardeál husu sarani sira atu kontinua moris ho espíritu Sinodál.

“Ida-ne’e Krús Joven hanorin ita halibur-malu, serbisu hamutuk, rona-malu nary partisipa iha misaun Uma-kreda ninian. Ida-ne’e mak ha’u hein katak buat ida-ne’ebé bele kontinua,” Dom Virgílio katak.

Nune’e mós, Pároku Igreja Nossa Senhora Imaculada da Conceição Bobonaru, Pe. Ernesto Barreto esplika signifikánsia husi Krús Joven ba joven sira la’ós de’it símbolu sofrimentu, maibé sinál moris husi fiar ne’ebé mak nia abut kesi-metin hodi buras ba beibeik nary fuan ne’ebé di’ak iha ema hotu nia hamutuk.

“Sai nafatin ema ne’ebé forsa, fiar-na’in nary metin iha Jezús Kristu nune’e bele sai apóstolu ba malu iha moris tomak. Ho enserramentu Krús Joven ida-ne’e, espera katak Kristu nia Krús nafatin buras iha imi hotu nia fuan, buras nary sai fini di’ak iha joven sira-nia moris, sai nafatin forsa Igreja nian nary sai nafatin sinál katak Igreja sei la monu tanba Krús moris iha joven sira hotu nia fuan,” Padre hateten.

Entretantu, Xefe Konsellu Pastorál Nosa Senhora Imaculada da Conceição Postu Administrativu Bobonaru, João Coa konsidera prezensa Krús Joven Nasionál hametin tebes sarani sira-nia fiar, unidade, kesi-metin tebes fraternidade iha joven sira-nia leet nary metin, haburas nafatin sarani nia vida espirituál.

Seremónia enserramentu ne’e realiza ho atividade kulturál hanesan bidu likurai, dadolin nary dansa kultura tuir lisan Bunak nary Kemak nian. Seremónia enserramentu ne’e nakonu ho ambiente triste tanba balun tanis nary laran-susar atu husik Krús Santu ne’e sai husi sira-nia leet.

Tuir dalan, sarani sira hein nary lolo-liman ho hato’o liafuan “Adeus, Adeus Krús Joven”.

Jornalista: Sergio da Cruz

Editór: Xisto Freitas da Piedade