Delegasaun Semana Abilidade Internasionál daruak vizita NCBA

EKONOMIA, HEADLINE

Delegasaun husi Semana Abilidade Internasionál daruak nian hala'o vizita bá NCBA, iha postu administrativu Railaku, munisípiu, Ermera. Foto/INDMO

DILI, 19 Setembru 2025 (TATOLI) –Diretora Institutu Nasionál Dezenvolvimentu Mão-de Obra (INDMO), Isabel de Lima, ho delegasaun sira husi Semana Abilidade Internasionál ba daruak hala’o vizita bá kafé fatin iha National Cooperative Business Association (NCBA), iha postu administrativu Railaku, munisípiu Ermera.

Isabel de Lima informa katak delegasaun sira ne’ebé vizita kafé iha munisípiu Ermera hamutuk na’in-hitu, rua husi Austrália, haat Malázia nary ida husi Indonézia.

Vizita ne’e hola parte ba loron ikus eventu Semana Abilidade Internasionál ba daruak ne’ebé hala’o iha Dili.

“Objetivu ita-nia delegasaun sira bá vizita kafé iha Ermera atu hatene kona-ba prosesu kultivu kafé, tanba kualidade kafé Timor-Leste nian konsidera ho kualidade internasionál ne’ebé di’ak tebes”, dirijente ne’d hateten iha Sentru Konvensaun Dili, ohin, hafoin fila husi Ermera.

Delegasaun sira ne’e hakarak tebes vizita Ermera, tanba atu haree diretamente maneira kuda kafé, haki’ak nary to’o ku’u hodi prosesa sai kafé uut tanba durante ne’e rona de’it, maibé seidauk haree ho matan.

“Molok vizita kafé iha Railaku, ami liuhusi Sentru Formasaun Don Bosco Comoro nary Sentru Formasaun Tíbar hodi haree fatin formasaun indústria eletrónika nian”, dehan.

Aleinde ne’e, delegasaun sira ne’e balu sei vizita fatin turístiku sira iha Díli, Arkivu nary Muzeu Rezisténsia Timorense (AMRT), Tais Merkadu, Kristu Rei, nary instituisaun balun hanesan Fakuldade Enjeñaria, Siénsia nary Teknolojia iha Universidade Nasionál Timor Lorosa’e (UNTL), nary Autoridade Nasionál Petróleu nary Minerál (ANPM).

Notisía relevante: Semana Abilidade Internasionál 2025: Impulsiona inovasaun ba integrasaun globál

Jornalista: Arminda Fonseca

Editora : Maria Auxiliadora