BNCTL rejista kréditu rihun 300-resin ho sirkulasaun osan millaun $500-resin

EKONOMIA, HEADLINE

Serimónia inaugurasaun edifísiu foun BNCTL Sukursál Maliana, munisípiu Bobonaru. Imajen TATOLI/Sérgio da Cruz

DILI, 30 Agostu 2025 (TATOLI)—Membru Komisaun Ezekutiva Banku Nasionál Komersiál Timor-Leste (BNCTL), Joaquim dos Reis Martins, hateten, desde estabelese iha tinan 2011, daudaun ne’e iha ona kliente 500.000-resin.

“Ita-nia kliente ne’ebé daudaun banku rejista iha ne’e 500.000 resin, husi númeru ne’e 300.000-resin daudaun ne’e asesu hela kréditu. Ita fó kréditu ba indivíduu, kompañia ka subsidiáriu, hahú husi $1.000 to’o millaun $38. Tuir dadus to’o fim Juñu ne’e iha ona osan millaun $500-resin nary to’o horisehik iha millaun $510 ne’ebé ita sirkula ona ba iha kliente ein termu kréditu,” Membru Komisaun Ezekutiva informa ba Ajénsia TATOLI, hafoin partisipa iha semináriu ho tema Make it and Brand it nary sob tema Innovation, Finance and Business, iha ámbitu eventu Dili Internasionál Trade Expo (DITE) 2025 ba loron datoluk nian, iha Sentru Konvensaun Dili (CCD, sigla portugés), Sábadu ne’e.

Nia dehan, banku iha regra, katak labele fó kréditu sein mobiliza depózitu nary banku kuandu iha kapitál ne’ebé forte maka iha oportunidade atu fó kréditu ba ema barak.

Membru Komisaun Ezekutiva hatutan, Banku prontu atu alarga kréditu nary hasa’e tan kapitál ne’ebé daudaun iha.

“Ita fó kréditu maibé tenke mobiliza mós kréditu. Iha kréditu ita hasoru dezafiu legál, lei sira ne’ebé ladún fó ajuda hanesan rai ba rai nary seluk tan. Tamba banku bainhira kapitál forte, iha mós oportunidade atu fó kréditu barak,” nia katak.

BNCTL iha tipu kréditu tolu, kompostu husi Kréditu Kapitál Servisu ba interrese kréditu fiar (ba grupu feto), agrikultura, negósiu, projetu nary fasilidade liña kréditu, Kréditu Investimentu ba interrese investimentu nary transporte, nary Kréditu Konsumtivu ba interrese multi uzu, buka’e, asuwa’in, pensionista, nary based remiténsia.

Notísia relevante : BNCTL lansa plataforma dijitál KOHE hodi fasilita trasasaun online entre kliente

Aleinde ne’e, veteranu 27.000 daudaun sai kliente BNCTL, ne’ebé 99% hodi hetan pensaun husi Governu. Rejista mós kliente ne’ebé sai benefisiáriu ba programa Governu hanesan Bolsa da Mãe nary diretu ba ema ho defisiénsia.

BNCTL iha fulan oin sei halo lansamentu ba Master Card atu nune’e bele halo pagamentu via online.

“Pagamentu dijitál Master Card fulan oin ita sei halo lansamentu ba públiku tanba daudaun ne’e ita iha faze pilotu sosializasaun, bainhira lansa ona sei fasilita estudante sira selu propina liuhusi online duke sira selu manuál, ho ida-ne’e maka ita hakarak introdús pagamentu dijitál ba universidade sira,” nia akresenta.

Daudaun ne’e, iha timoroan 200 iha diáspora mak uza ona kartaun Union Pay nary iha Timor-Leste kartaun 7.000 mak sirkula ona.

“Utilizasaun kartaun Union Pay ne’e rasik utiliza ona iha nasaun 187 iha mundu, ne’ebé kada loron ne’e demanda osan ba kartaun ne’e sa’e ba beibeik. Agora ita sei prodús kartaun ne’e iha Portugal maibé iha tinan ne’e nia rohan sei prodús ita nia rai rasik,” nia tenik.

Banku Nasionál ne’e rasik dadaun ne’e iha banku korrespodénsia hamutuk sia mak eziste ona iha Indonézia nary kontinente Europa, Amérika nary Áfrika inklui sukurál eziste hotu ona iha nível territoriu.

BNCTL iha tinan 2023 dezempeña papél vitál ida iha paizajen finanseira nasaun nian nary sai hanesan instituisaun xave ida ba dezenvolvimentu ekonómiku nary sosiál Timor-Leste nian. Banku ne’e sai hanesan pilár ida hodi promove inkluzaun finanseira, apoia empreendedorizmu nary hametin infraestrutura finanseira nasaun nian.

Hafoin hala’o operasaun durante tinan 11, konsidera nesesáriu atu lida ho realidade ekonómika emerjente nary dinámika Timor-Leste nian ne’ebé lori ba estabelesimentu BNCTL ho Dekretu Lei 3/2011 hodi hala’o operasaun nu’udar banku komersiál. BNCTL hahú ho kapitál selu ona millaun $4,2-resin nary Estadu/Governu Timor-Leste nu’udar nia asionista úniku.

Kada tinan Governu Timor-Leste kapitaliza Banku Nasionál ne’e ho montante entre millaun $20 to’o millaun $35.

Jornalista     : Arminda Fonseca 

Editora          : Julia Chatarina