BCTL sensibiliza komunidade Ermera kona-ba importánsia husi konta “Ha’u-Nia Futuru”

ERMERA, HEADLINE

BCTL sensibiliza komunidade Ermera kona-ba importánsia husi konta “Ha’u-Nia Futuru”. Foto/Nelson de Sousa

GLENU, 05 Outubru 2025 (TATOLI)- Banku Sentral Timor-Leste (BCTL, sigla portugés) realiza atividade sensibilizasaun ba komunidade sira iha Glenu, munisípiu Ermera, hodi hatene kona-ba importánsia husi produtu poupansa Konta “Ha’u-Nia Futuru” ba labarik ho idade husi 0 to’o 17.

Atividade ne’e partisipa direita husi estudante eskola bázika sentrál sira iha Glenu, manorin-na’in, inan-aman no komunidade.

Vise-Governadór BCTL, Rafael Borges, dehan organiza atividade ne’e ho objetivu mak partilla informasaun ba komunidade, liuliu inan-aman nary estudante sira hodi hatene importánsia produtu ne’e.

Nia dehan, poupansa ne’e dedika ba labarik sira oinsá prepara sira-nia osan nary tau depózitu iha banku sira, nune’e bainhira to’o idade 17 bele utiliza ba estuda iha universidade nary hahú negósiu ruma bainhira idade adultu.

Nune’e, inan aman sira hotu hahú agora hanoin oinsá atu halo poupasan ba oan sira nary prepara ba futuru.

“Apela ba inan-aman sira hotu iha territóriu, liuliu iha Gleno komesa hanoin oinsá hahú agora halo poupa ba oan sira hodi prepara futuru. Tanba nasaun ne’e iha jerasaun foun nia liman, kria konta liuhusi Poupansa Ha’u-Nia Futuru”, nia enkoraja.

Produtu Poupansa Ha’u-Nia Futuru ne’e lansa iha tinan 2015 nary to’o agora labarik rihun 26-resin iha territóriu mak loke ona konta referida ne’ebé akumula ona osan pur volta millaun $15.

Nune’e, BCTL serbisu hamutuk ho banku komersiál sira kontinua halo sensibilizasaun ba iha territóriu.

Profesora husi Eskola Bázika Sentrál 10 Abríl Glenu, Natália de Jesus Babo, orgullu ho atividade BCTL hodi motiva inan-aman atu halo poupansa ba oan sira-nia futuru. Nu’udar manorin-na’in sei kontinua tranzmite informasaun ne’e ba iha eskola.

Nune’e mós estudante husi Eskola Bázika Sentrál Ermera Vila, Cátia Peregrina Exposto da Silva, dehan produtu ne’e seguru tebes atu bele rai osan.

Iha atividade ne’e, BCTL serbisu hamutuk ho banku komersiál sira hanesan Banku Nasionál Timor-Leste (BNCTL, sigla portugés), Banco bash Nosso Futuro (BNF), Mandiri nary seluk tan hodi loke mós konta ba labarik sira.

Eventu ne’e mós realiza quiz ba estudante sira ho pergunta hodi manán prémiu husi $25 to’o $100, maibé la simu osan cash nary loke mak konta hodi rai automátika osan ne’e.

Kritéria loke konta

Atu loke konta “Ha’u-Nia Futuru” mak labarik husi idade 0 to’o 17 tenke sidadaun timoron, lori dokumentu sertidaun moris ka batizmu, fixa família nary deklarasaun autoridade suku.

Inan-aman nia kartaun eleitorál ka billete identidade hodi bele loke iha banku komersiál sira-nia edifísiu iha territóriu laran, ho osan $1 nary laiha kustu administrasaun.

Sei labele foti osan bainhira seidauk to’o idade 17, maibé bele foti ba situasaun afeta ba direta ba labarik hanesan tratamentu saúde ka invalidez ho prova atestadu médiku nary lakon vida prova ho sertidaun óbitu nary direitu tutela nian determina husi notariadu.

Labarik sira rai osan iha konta ne’e sei hetan taxa juru mínimu 1,50% kada tinan.

Notísia relevante: Konta Bankária Ha’u-Nia Futuru Atinje Ona Rihun 15

Jornalista: Nelson de Sousa

Editora: Maria Auxiliadora