BCTL lansa kampaña nasionál edukasaun finanseira –Konta “Ha’u-Nia Futuru”

EKONOMIA, EDUKASAUN, ERMERA

Governadór BCTL, Helder da Costa. Imajen TATOLI/Antonio Daciparu

GLENU, 05 Outubru 2025 (TATOLI) – Banku Sentrál Timor-Leste (BCTL, sigla portugés), lansa kampaña nasionál edukasaun finanseira nary sensibilizasaun ba produtu poupansa konta “Ha’u-Nia Futuru”  ba labarik ho idade 0 to’o 17, ba komunidade  Glenu, munisípiu Ermera.

Governadór BCTL, Helder  Lopes  esplika katak lansamentu kampaña edukasaun finanseira ne’e serbisu hamutuk ho Ministériu Edukasaun (ME) ba oin hodi bele hanorin estudante iha eskola sira hodi hatene kona-ba halo jestaun ba osan.

No, hala’o  sensibilizasaun ba produtu konta “Ha’u-Nia Futuru” ne’ebé serbisu hamutuk ho banku komersiál sira hodi oferese ba labarik sira oinsá poupa osan ba futuru to’o idade 17 mak foin bele foti utiliza kontinua estudu iha universidade nary hala’o atividade seluk.

Governadór dehan,  intensaun programa ne’e tanba tuir peskiza ne’ebé iha liga ho kontextu nasionál iha Timor-Leste ninia kauza fundamentál rua.

“Ida mak oportunidade ne’ebé limitadu katak ema laiha serbisu nune’e laiha rendimentu ka laiha osan,  nary daruak ita-nia hahalok rasik ita iha osan uituan ita hakarak gasta ba lia-mate nary lia-moris, nary ho ita-nia hahalok rasik halo ita ki’ak”, nia hato’o.

‘Poupa agora di’ak ba futuru’

Tuir peskiza antes ne’e iha munisípiu  tolu kompostu Aileu, Oekusi nary Ermera ki’ak liu. Alende ne’e, bazea dadus BCTL nian, iha Ermera família sira ladun tau poupansa ba labarik sira.

“Nune’e ami deside kampaña iha ne’e hodi ajuda ita-nia komunidade poupa ba labarik sira, ho slogan ‘Poupa agora di’ak ba futuru’ nary kestaun seluk mak hakarak halakon ki’ak iha país, maneira ida mak poupa”, nia salienta.

Tuir Governadór, Timor-Leste laiha ábitu atu halo poupansa tanba sai kultura ona iha osan uituan gasta beibeik ida-ne’e sai dezafiu.  Nune’e BCTL serbisu hamutuk ho banku komersiál sira sei  halo atividade  hanesan ba muníspiu tomak  hodi enkoraja nary hatene benefísiu sira ba poupansa ne’e ba futuru.

Diretora Jerál Administrasaun nary Finansa husi Ministériu Edukasaun, Cecília Assis, konsidera produtu ne’e  apoiu tebes planeamentu família nary tulun inan-aman sira atu rai osan ba oan nia futuru ka investe iha edukasaun nary formasaun oan sira-nian.

“Se ita-nia oan sira mak fururu família, sosiedade nary Nasaun nian, maka ita  tenke tau importánsia ba sira”, nia enkoraja.

ME prontu serbisu hamutuk ho BCTL  introdús edukasaun finanseira sai hanesan materia estra-kurrikulár iha eskola.

Iha fatin hanesan, Prezidente Autoridade Munisípiu Ermera, José Martinho dos Santos, agradese BCTL ba realizasaun atividade ne’e nary hein katak sei lori mudansa bo’ot ba hahalok ema Ermera.

Autoridade munisipál ne’e konsidera programa referidu importante hodi enkoraja inan-aman tau atensaun ba oan sira-nia futuru.

“Mensajen di’ak tebes ba inan-aman sira, labele rai osan halo lia nary atividade sira seluk, tanba ne’e rai osan ba labarik sira dezde moris ne’e hanesan investimentu importante – edukasaun nary fatin seluk”, nia apela.

Atividade ne’e hetan partisipasaun másima husi estudante eskola sentrál iha Glenu, manorin-na’in, komunidade, autoridade lokál nary banku komersiál sira ho konvidadu seluk.

Notísia relevante: https://tatoli.tl/2025/09/05/bctl-sensibiliza-komunidade-ermera-kona-ba-importansia-husi-konta-hau-nia-futuru/

Jornalista: Nelson de Sousa

Editór: Rafael Ximenes de A. Belo