Ba estrutura foun, Rogério Lobato: “Haree ema hotu hanesan timoroan”

OEKUSI

Prezidente Autoridade Rejiaun Administrativa Espesiál Oekusi Ambenu (RAEOA), Rogério Tiago Lobato. Imajen TATOLI/Abílio Elo Nini

OEKUSI, 29 Agostu 2025 (TATOLI) – Prezidente Autoridade Rejiaun Administrativa Espesiál Oekusi Ambeno (RAEOA), Rogério Tiago de Fátima Lobato, sesta ne’e, hala’o enkontru ofisiál ho estrutura foun, Regio da Cruz Salu, nu’udar Prezidente Autoridade RAEOA nomeadu ho Komisaun Ezekutiva Zona Ekonomia Espesiál Dezenvolvimentu Oekusi Ambeno (ZEEDOA), Erkolanu de Sousa, molok husik nia kargu nu’udar Prezidente Autoridade RAEOA iha loron domingu, 31 Agostu 2025.

Notísia relevante:PM Xanana nomea Régio da Cruz sai Prezidente Autoridade RAEOA

Iha biban enkontru ne’e, Eis-ministru Interiór ne’e, hato’o parabéns ba estrutura foun nary apela hatudu profisionalizmu nary responsabilidade, tanba estrutura atuál maioria nu’udar Oekusi-oan.

“Ha’u Hanesan Prezidente Autoridade, ha’u hakarak fó lia-menon ba sira na’in-rua, oinsá bele serbisu di’ak, hakuak ema hotu  labele haree ba kór partidu maibé haree ba ema hotu hanesan timoroan, ha’u espera sira na’in-rua ba ha’u-nia lia menon, importante mak ne’e la’o nafatin ba oin, ha’u sai husi Oekusi ho orgullu, tanba iha tempu-badak ita konsege serbisu hamutuk nary halo buat barak iha Oekusi, maibé desizaun husi Konsellu Ministru, ha’u simu ho di’ak tanba iha administrasaun Estadu, ita simu kna’ar ita mós bele husik kna’ar,” nia hateten iha Oekusi, ohin.

Rogério Lobato, promete sei prepara relatóriu, antes ne’e halo ona ona reuniaun ho Sekretáriu Rejionál sira atu prepara relatóriu, sei liuhusi seremónia hand-over pasífiku, hodi kumpre tuir lei, atu kontinua serbisu ba oin.

“Ha’u tanba jerasaun foun komesa kontinua, ami sira hahú prosesu ba ukun rasik-an, ami sei moris, sira komesa simu ona knaar, ne’ebé kuandu ami haree buat ruma la’o laloos, ami bele fó hanoin ba  malu, atu kurije hodi hadi’a, importante mak ne’e, tenke hamutuk serbi ita-nia rai,” nia katak.

Notísia relevante:Veteranu sub-rejiaun Haksolok apoia rezolusaun Governu nomeia Oekusi-oan lidera RAEOA-ZEEDOA

Regio da Cruz Salu, konsidera enkontru ofisiál ne’e importante, tanba nu’udar jerasaun foun presiza simu nafatin persepsaun husi jerasaun inisiadór sira nia mehi atu hadi’a rai ne’e.

“Mensajen importante husi enkontru ne’e, atu simu nafatin persepsaun boa ba ita hotu, atu hahú pájina foun ho persepsaun komun, ita ohin ba oin, ami na’in-rua Oekusi-oan hanesan jerasaun foun, ita konsidera ita-nia aman sira, hahú Maun Bo’ot mai to’o atuál Prezidente Autoridade RAEOA, hanesan bee-matan, ne’ebé tenke naksulik ba ita, tempu oportunu di’ak, nune’e ita-bele aproveita bee tenki naksulik ona ba ai-hun ne’ebé hahú kuda,” nia dehan.

Tuir nia, prosesu administrativu iha ita-nia país normál, maibé iha situasaun ne’e, hakarak esklarese ba populasaun tomak iha Oekusi, katak iha dalan naruk atu ita-bele halo Oekusi nu’udar orgullu povu nary Estadu Timor-Leste, reajustamentu institusionál nesesária ne’e sempre akontese.

“Bolu Oekusi-oan hotu, mai ita hamutuk ho ita-nia lideransa, aman nasaun sira, sei agora, sira prepara daudaun estafeta ne’ebé tenke la’o ho verdade di’ak nary konfiansa,” nia espera.

Iha fatin hanesan, Komisaun Ezekutiva ZEEDOA, Erkolanu de Sousa, agradese tanba durante tinan ida ho balun, asume kargu nu’udar Vise-daruak ba ZEEDOA sempre hetan apoia másima husi Autoridade RAEOA.

“Serbisu ne’ebé ami hetan husi Konsellu-Ministru, ami kompleta ona, nary agora hein de’it desizaun atu kontinua serbisu ba oin,  ne’ebé agora ba oin, ita hotu iha obrigasaun atu la’o tuir de’it polítika Governu, karik atu la’o ba oin serbisu liga ba Zona Ekonomia Dezenvolvimentu Oekusi Ambeno, husi parte Autoridade nia responsabilidade, ida-ne’e mak ita sei la’o, ami nu’udar parte tékniku ami sei haree liu saida mak ami-nia área nary responsabilidade,” nia katak.

Notísia relevante:Komunidade Pássabe prefere Primeiru-Ministru hili Oekusi-oan lidera RAEOA-ZEEDOA

Jornalista: Abílio Elo Nini

Editór: Rafael Ximenes de A. Belo