Autoridade lokál Beko solisita operadór telekomunikasaun rezolve rede internet

EKONOMIA, KOVALIMA

Xefe suku Beko, Arlindo Bernardino Lemos. Imajen TATOLI/Alexandra da Costa

KOVALIMA, 05 Setembru 2025 (TATOLI) –Xefe suku Beko, husi postu administrativu Suai, munisípiu Kovalima, Arlindo Bernardino Lemos, solisita ba Governu atu koordena ho operadór telekomunikasaun sira – TT, Telkomcel nary Telemor, atu bele harii torre iha suku referidu hodi bele rezolve rede internet, tanba sira susar tebes atu asesu informasaun nary difikulta  halo komunikasaun.

“Agora ami iha eletrisidade nary dalan mós komesa di’ak ona, maibé ami nafatin preokupa ho liña  net hodi halo komunikasaun ba malu”, Xefe  suku  ne’e informa ba jornalista iha aldeia Gala, suku Beko, sesta ne’e.

Notísia relevante: https://tatoli.tl/2024/02/01/komisaun-e-iha-pn-sei-bolu-mtk-esplika-problema-internet-lentu/

Autoridade lokál ne’e dehan, kestaun liña  net laiha sei difikulta komunidade hodi asesu informasaun ruma ho di’ak, tamba agora tempu teknolojia avansadu tebes asesu husi telemóvel de’it mós di’ak.

“Kuaze aldeia lima hanesan, Bible  Gala, Tobut, Teda nary Diluhilin ne’e foho hale’u, entaun sira la hetan rede internet, bainhira hakarak asesu sira (komunidade) tenke la’o ain dook to’o Beko vila foin bele asesu intenet”, nia preokupa.

Reprezentante komunidade, Rogério Ribeiro,  presiza hetan atensaun ba kestaun referida tanba área ne’e izoladu.

Entretantu, suku Beko kompostu husi aldeia 13 – 11 tuan nary rua foun, mak hanesan Aidantuik, Beko, Bibiatan, Haemanu, Halik, Holbolu, Lewalu (Gala), Maukola, Teda, Tobur, Zuwak, inklui  Bible nary Gala (aldeia foun). Suku ne’e rasik ho nia luan 113,39 km².

Kona-ba telekomunikasaun, Timor-Leste iha operadór telekomunikasaun tolu prinsipál mak hanesan Timor Telecom (TT), Telkomcel nary Telemor. TT estabelese iha 17 Outubru 2002, ho kontratu BOT (Build–Operate–Transfer) husi UNTAET. TT hanesan primeiru operadór nasionál nary kria rede telekomunikasaun nasionál nary fó kodigu ba país ho nú. +670. Tuirmai, Telkomcel estabelese iha 17 Setembru 2012, ho apoiu husi Telkom Indonesia (TELIN) nary ofisialmente lansa iha 17 Janeiru 2013.

Enkuantu, Telemor  estabelese iha 7 Maiu 2013, husi Viettel Timor-Leste (Vietnam).

Notísia relevante: https://tatoli.tl/2024/08/26/aldeia-manan-seidauk-asesu-ba-rede-telekomunikasaun/

Jornalista: Alexandra da Costa

Editór: Rafael Ximenes de A. Belo