Atleta Olímpiku na’in-rua dezloka bá Kazakhstan partisipa Athletes Commission

DESPORTU, HEADLINE

Atleta Olímpiku timoroan na’in-rua husi modalidade Atletizmu, Felisberto de Deus nary Nelia Martins preparadu dezloka bá Kazakhstan, iha Aeroportu Internasionál Prezidente Nicolau Lobato, Komoro, Sábadu (30/08/2025). Imajen TATOLI/Hortencio Sanchez

DILI, 30 Agostu 2025 (TATOLI)–Atleta Olímpiku timoroan na’in-rua husi modalidade Atletizmu, Felisberto de Deus nary Nelia Martins, Sábadu ne’e, dezloka bá nasaun Kazakhstan hodi partisipa Athletes Commission.

“Agora ami arranka ona bá Kazakhstan hodi partisipa iha eventu Athletes Commission, husi Timor-Leste ami na’in-rua mak reprezenta atleta Olímpiku Timor-Leste hotu hodi tuir eventu ne’e, ami bá la’ós reprezenta modalidade atletizmu, maibé reprezenta atleta Olímpiku husi modalidade hotu,” Felisberto hateten ba Ajénsia TATOLI, iha Aeroportu Internasionál Prezidente Nicolau Lobato, Komoro.

Nia dehan, objetivu lolos husi atividade ne’e mak atu aprezenta atividade Athletes Commission hirak ne’ebé mak halo iha tinan kotuk nune’e sei tuir mós formasaun durante loron-rua kona-ba atleta nian.

“Ami sei ba aprezenta atividade Athletes Commission ne’ebé mak ami hala’o tinan kotuk tanba hetan suporta husi Olímpiku Internasionál, entaun iha fórum ne’e rasik ami tenke ba halo aprezentasaun. Iha Kazakhstan, ami mós sei tuir formasaun kona-ba anti-doping, amusive run nary seluk tan,” Atleta ne’e akresenta.

Notísia relevante : Atleta atletizmu 18 preparadu kompete iha Dili Internasionál Maratona 2025

Eventu ne’e atu hametin liután atleta Olímpiku hotu iha Ázia nia relasaun bele metin liután.

Atividade internasionál ne’e sei realiza hahú loron 02 to’o 03 Setembru fulan-oin nary atleta timoroan na’in-rua sei fila hikas mai Timor-Leste iha loron 06 Setembru.

Iha tinan 2025, Komité Olímpiku Nasionál (NOC) Kazakhstan nian sai uma-na’in nary partisipa iha eventu xave sira ne’ebé foka ba atleta sira, inklui Fórum Atleta OCA nian iha Fulan-Setembru nary semináriu dezenvolvimentu karreira nian iha Fulan-Agostu.

Olga Rypakova sai hanesan Prezidente ba Komisaun Atleta sira NOC Kazakhstan nomós tuur iha Konsellu Ezekutivu Konsellu Olímpiku Ázia nian (OCA). Gennadiy Golovkin eleitu nu’udar prezidente NOC Kazakhstan nian iha Agostu 2025, nary komisaun ne’e envolve iha programa sira hanesan edukasaun lian Inglés ba atleta sira.

Fórum Atleta sira OCA nian

Eventu :

Fórum Atleta sira OCA nian ba daneen nian sei hala’o iha loron 02 to’o 03 Setembru 2025, iha Astana, Kazakhstan.

Tema :

Lian sira ne’ebé fó kbiit, halibur Ázia. Partisipante sira, Fórum ne’e sei halibur reprezentante sira Komisaun Atleta nian hosi NOC Aziátiku 45, hamutuk ho péritu sira hosi IOC nary OCA.

Objetivu :

Atu diskute preparasaun sira ba Jogu Aziátiku 2026 nary reforsa estatutu Astana nian hanesan sentru emerjente ida ba diplomasia desportiva.

Atividade nary inisiativa sira seluk, atleta 365 kareira + semináriu :

NOC Kazakhstan sai uma-na’in ba semináriu Athlete 365 Career+ iha Almaty iha loron 07 to’o 08 Agostu 2025 hodi apoia atleta sira-nia kareira sira aleinde desportu.

Jornalista     : Hortencio Sanchez

Editora          : Julia Chatarina