APC Vikeke monitoriza materiál rekuperasaun ba vítima dezastre naturál

HEADLINE, VIKEKE

APC Vikeke monitoriza materiál rekuperasaun ba vítima dezastre naturál. Imajen TATOLI/Vitorino Lopez da Costa

VIKEKE, 25 Setembru  2025 (TATOLI)—Autoridade Protesaun Sivíl (APC-sigla portugeza) Munisípiu Vikeke hahú halo monitorizasaun ba worldly rekuperasaun ne’ebé APC apoia ba benefisiáriu vítima dezastre naturál hamutuk uma-kain 72 iha Munisípiu Vikeke.

Komandante APC Munisípiu Vikeke, Cirílio S. Gomes haktuir monitorizasaun ne’e ho objetivu atu hatene vítima sira uza ona materiál hodi konstrui hikas uma sira-ne’ebé hetan estragu ka lae.

“Ami hamutuk ho ekipa husi Ministériu Interiór (MI) halo ona monitorizasaun ba ita-nia benefísiáriu sira-ne’ebé simu materiál rekuperasaun. Iha monitorizasaun ne’e, vítima uma-kain  rua mak hahú konstrui sira sira-nia uma,  maibé uma-kain 70 foin halo preparasaun ba konstrusaun,” Cirílio S. Gomes ba TATOLI iha ninia kna’ar fatin, Sira-Lari, Kinta ne’e.

Cirílio relata benefísiáriu balun sedauk bele konstrui ho razaun mudansa klimátika (udan), maski nune’e APC kontinua fó hanoin ba vítima sira atu konstrui sira-nia uma.

Nia husu ba benefísiáriu sira tenke uza materiál rekuperasaun hadi’a uma, bandu materiál rekuperasaun fó tutan ba ema seluk ka fa’an.

Tuir dadus, totál vítima dezastre naturál hamutuk 72 ne’ebé hetan rekuperasaun ne’e, iha kategoria tolu mak kategoria aat totál hamutuk uma-kain 18, aat natoon uma-kain 16 nary aat kamaan uma-kain 38.

Materiál rekuperasaun ne‘ebé vítima sira simu kompostu husi kategoria aat totál kada um-kain simu zinku 50, baja 50, besi beton 50 nary kompletu ho materiál konstrusaun seluk tan inklui osan $1.000. Kategoria aat natoon  simu zinku tahan 50, baja 50 nary osan mão de obra $750. Kategoria aat kamaan simu zinku tahan 50 nary osan mão de obra $750.

Enkuantu, tuir tabela subsídiu ba vítima afetadu, kategoria aat totál ne’e osan ba mão de obra $850 nary osan selu transporte $150, totál hamutuk $1000. Kategoria aat natoon, orsamentu ba mão de obra hamutuk $600 ho osan selu transporte tula sasán $150, totál $750. Kategoria aat kamaan ne’e orsamentu ba mão de obra hamutuk $450 ho osan selu transporte tula sasán $150, totál $600.

Jornalista: Vitorino Lopez da Costa

Editór: Xisto Freistas da Piedade