APC apoia pakote emerjénsia ba vítima inséndiu iha Afaloikai

MUNISÍPIU, VIKEKE

APC apoia pakote emerjénsia ba vítima inséndiu iha Osokaiua, Afaloikai. Imajen Espesiál

VIKEKE, 03 Setembru  2025 (TATOLI)—Xefe Departamentu Jestaun Risku Dezastre  Naturál Autoridade Protesaun Sivíl (APC-sigla portugeza)  Munisípiu Vikeke, Eugenio Guterres informa APC Munisípiu Vikeke apoia ona pakote emerjénsia ba vítima inséndiu iha Aldeia Osokaiua, Suku Afaloikai, Postu Administrativu Uatulari, Munisípiu Vikeke.

“Ita-nia vítima inséndiu ne’ebé akontese iha Aldeia Osokiua, iha Segunda (01/09),  ami bá halo ona verifiksaun nary rekolla ona dadus. Aleinde ami halo verikasaun ba uma ne’ebé ahi han, ami mós lori ho kedas pakote emerjénsia point hahán nary la’ós hahán ba vítima afetada hodi aguenta sira-nia moris,” Eugenio Guterres ba TATOLI iha Postu Vikeke Vila, Kuarta ne’e.

Eugenio haktuir kauza husi inséndiu (ahi han uma) ne’e ekipa APC la deskoberta.

“Akontesimentu inséndiu ne’e ami bá halo verifiksaun ahi han uma tomak, maibé ninia kauza loloos ami la hetan. Ita labele suspeita ba eletrisidade tanba vítima sira seiduak asesu ba eletrisidade. Ami husu tuir vítima sira katak momentu akontese ahi han uma parte vítima ho ninia família sira ba hotu natar mak hela akontese, ne’ebé parte vítima mós lahatene kronolojia,” nia dehan.

Notísia relevante: https://tatoli.tl/2025/08/29/ahi-han-uma-iha-afaloikai-sasan-uma-laran-la-salvadu/

Nia informa katak inséndiu ne’e kategoria estragu totál nary parte APC  aprezenta ona  dadus ba nasionál hodi kontinua verifika, atu vítima sira bele hetan materiál rekuperasaun nary orsamentu konstrusaun.

Entretantu, pakote emerjénsia ne’ebé APC distribui ba vítima mak hanesan supermie, foos, mina, biskuit, sardina, masin-midar, kafé, tasu, sana, bikan, lona nary sasán sira seluk.

Iha fatin ketak,  Xefe Suku Afaloikai, Cesário N. Pires hateten APC apoia ona pakote emerjénsia ba vítima inséndiu, maibé nesesidade bázika ne’e uitoan nune’e prefere bá-oin presiza hadi’a pakote emerjénsia.

“Parte APC apoia ona pakote emerjénsia, maibé ha’u haree uitoan, katak mina bimoli ne’e loloos litru 5, maibé sira mai fahe litru 2 de’it, biskuit mós uitoan loos. Nune’e, ha’u husu bá-oin Governu atu apoia vítima dezastre naturál karik, fahe tuir tabela. Nune’e mós ha’u husu Governu atu aselera apoiu materiál rekuperasuan ba vítima sira. Labele liu tinan ida ka rua mak ita foin apoiu materiál rekuperasaun,” nia hato’o.

Akontesimentu ahi  han uma ida ne’e akontese iha área Aekiri, Aldeia Ossokaiua, Suku Afaloikai, Postu administrativu Uatulari, iha Kuarta (28/08)  maizumenus  tuku 12h00 Otl, afeta ba   sasán uma laran la konsege salva. Vítima inséndiu ne’e hamutuk uma-kain ida ho totál família na’in-sanulu (10).

Jornalista: Vitorino Lopez da Costa

Editór: Xisto Freitas da Piedade